LOSPALOS RCL VOX POPULY=Còrdinador Guarda Floresta , Departamentu Floresta no Planta Industria Municipiu Lautèm Agustinu Belo ba Jornalista RCL Segunda Fèira 15/08/2022 ne`e hateten , liu husi Atividade Pasa revista iha Tempu kalan nian , konsege Prende Aikameli maizumenus Kilograma Rihun Ida (+-1000 kg) iha Arèa Postu Administrativu Lorè Municipiu Lautèm iha tinan ida ne`e nia laran.
Còrdinador ne`e mòs informa , Aikameli nebe Parte Guarda Floresta Prende ne`e , to`o agora asegura hela iha Komandu Polisia Municipiu Lautèm , hodi hein ba Prosesu Tribunal , tamba Parte Floresta Entrega ona asuntu ne`e ba Parte Polisia,
‘’ Iha Arèa Postu Lorè , Municipiu Lautèm nian , ami Guarda Floresta konsege prende Aikameli Karòn Walu (8) liu husi Pasarevista Kalan iha tinan ida ne`e , no ba dada`un ne`e objetu hirak ne`e Entrega on aba Polisia Investigasaun Municipiu Lautèm , ami mòs halo kronologia ba Polisia Investigasaun , hodi entrega ba Tribunal hodi hein Notifikasaun husi Tribunal rasik , hodi proses aba oin.’’ Còrdinador Guarda Floresta Municipiu Lautèm , Departamentu Floresta no Planta Industria Municipiu Lautèm Agustinu Belo ba Jornalista RCL Segunda Fèira 15/08/2022 ne`e.
Nia mòs husu ba Comunidade sira , atu bele tau konsiensia hodi proteze ai kameli nebe iha ona , tamba ida ne`e hanesan riku soin nasaun nian , hodi benefisia ba Povu tomak iha future oin mai.
‘’ Hau husu ba Povu tomak iha Municipiu Llautèn , hodi tau konsiensia proteze nafatin ai Kameli nebe nasaun Proteze ona , tamba ai kameli nudar riku soin Nasaun ne`e nian , no iha future sei benefisia ba Povu no Nasaun Timor Leste.’’ Dehan nia.
Entretantu ; atu Ta`a no fa`an iha tempu nebe badak , maibe atu kuda to`o bo`ot presiza ho tempu nebe naruk , ne`eduni Guarda Floresta Bandu atu ema individu ou Grupu nebe Gosta Ta`a no Fa`an , sei prosesa tuir lei nebe iha.
Jornalista:SdC
Editor:NP
