LOSPALOS RCL VOX POPULY=Ong Luzeiro nebe ho Programa Dirèito Umanu , ba Tinan ida ne`e atende ona Kazu Violensia Domestica , Kazu Violensia Sexual , Kazu Labarik Abandona no Kazu Labarik la`o sala dalan hamutuk Tolu Nolu resin Ha`at.
Lia hira ne`e hato`o husi Diretòr Ezekutivu Ong Luzeiru Abel dos Santos ba Jornalista RCL iha nia Kna`ar fatin Sexta Feira 19/08/2022 ne`e .
Diretòr Ezekutivu Luzeiro ne`e mòs Informa , Hahu husi Janeiro to`o agora Uma Maho Luzeiro Atende Kazu hamutuk 34 , ho Diferente hanesan Kazu Violensia Domèstica , Violasaun Sexual , Labarik Abandona no Labarik La`o sala dalan , no Kazu hirak ne`e hotu regista ona iha Ministèrio Pùblico , no Suspeito ba Kazu Violensia Na`in lima mak durante ne`e hetan ona pena prizaun iha Becora Dili.
‘’Kazu husi janeiro to’o mai agora ami Atende 34 Kaju no kaju , hirak ne`e registradu ona iha Ministèriu Pùblicu , no Suspeito ba Kazu Violensia Na`in lima mak durante ne`e hetan ona pena prizaun iha Becora Dili , Ami sei kontinua nafatin halo akompanyamento Kazu hirak nebe mak sida`uk prosesa iha Tribunal , tamba , Kazu hirak ne`e hahu husi Inisiu to`o Prosesu Julgamento , ami kontinua halo akompanyamento ba Vitima to`o iha Tribunal , maske nune`e Vitima ami kontinua halo akompanyamentu to`o kazu ne`e remata hafoin ami re`entrega ba nia Familia.’’ Dehan Diretòr Ezekutivu Ong Luzeiru Abel dos Santos ba Jornalista RCL iha nia Kna`ar fatin Sexta Feira 19/08/2022 ne`e.
Iha biban ida ne`e Diretòr Ong Luzeiru Husu ba Komunidade sira atu Relata imediata ba Uma Mahon Luzeiru no Parte nebe kompetente , karik hetan Violensia Bazea ba Genèru , Nune`e bele prosesa tuir lei nebe Vigòr.
‘’ ba Povu tomak iha Municipiu Lautèm , hau husu ba imi hotu atu lala`is inform aba Ong Luzeiru ou Parte nebe kompetente , wainhira hasoru Kazu Esensial nebe afeta ba imi nia vida moris , bele Prosesa tuir lei nebe vigor , nune`e ita hotu bele hetan satisfasaun ba Sistema Justica ho legalmente.’’ Dehan nia.
Entretanto; Uma mahon Luzeiru kontinua Loke ba Pùblico , no kontinua fo asistensia legàl ba Vitima Violensia bazea ba Genèru , nune`e ita hotu bele hetan Satisfasaun ba Sistema Justisa tuir dalan legal .
Jornalista:Sina
Editor:NP
