LOSPALOS RCL VOX POPULY=Servisu Municipal Agricultura , Municipiu Lautèm , liu husi Departamento Agricultura , Horticultura no Ekstensaun , sida`uk Implementa Programa Fila rai Agricultor sira nian iha Municipiu Lautèm iha Fulan Agostu ne`e , tamba Departamento refere sei halo sorumtu ho Lider Komunitària , hodi reformula preparasaun Fila rai ba epòka rihun rua Rua nolu resin Rua to`o rihun Rua , Rua nolu resin Tolu (2022-2023) .
Xèfe Depertamentu Agrikultura hortikultura no Extensaun Municipiu Lautèm , Manuel Madeira Savio nebe jornalista RCL hasoru iha nia serviso fatin segunda feira nee hateten , Servisu Municiapl Agricultura , Municipiu Lautèm , iha ona preparasaun ba sorumutu ho Autòridade Comunitàriu , nunee aktividade fila Rai ba komunidade ba epoka tinan 2022 too 2023 nian bele lao susseso.
‘’ serviso Agrikultura municipal iha ona preparasaun atu filai Rai komunidade nia toos, maibe tamba sei iklima udan ho nunee Ami sei kria sorumutu ida ho lider komunitario no Autoridade local hodi treforma prapasaun ida nunee aktividade fila Rai ba komunidade ba epoka tinan 2022 – 2023 nian bele lao susseso’’ dehan Chefi Depertamentu Agrikultura Hortikultura no Extensaun Municipal Munisipio lautem Manuel Madeira Savio ba Jornalista RCL iha nia serviso fatin segunda feira 22/08/2022
Manuel mos hateten , iha inisiu fulan setèmbru ne`e ,Nia parte mos sei aloka trator unidade hamutuk sanolu resin hitu no operador hamutuk 34 ba postu sira nebe mak pertense iha Munisipio Lautem .
Manual mos realsa tan katak bajeia ba manutensaun trator nebe tinan tinan avaria nee komunidade tenki halo kontribusaun hodi ense mina ba trator ho litro tolu nolu ba meia hectares Nian.
‘’ komesa husi inisiu fulan setembro nee ,fila rai ba komunidade nia toos sei hahu ona ,no antes serviso Agrikulura Municipal Munisipio lautem sei aloka trator unidade hamutuk sanolu resin hitu no operador hamutuk 34 ba kada postu sira nebe mak pertense iha munisipio lautem nunee bele apoia komunidade hodi fila rai komunidade nia to`os , maibe kona ba Manutensaun no kombustivèl Comunidade sira mak sei kontribui Mina Litru 30 ba kada Meia Hektàr ‘’hateten Manuel Madeira
Entertantu ; Atu Implementa Programa fila rai comunidade nian , Benefisiariu sira tengki regista iha ida-idak nia Aldeia , no Prènse Formulariu nebe sei prepara iha kada Xèfe Aldeia , hodi bele hafasil Operador sira wainhira atu Fila sira nia rai , atu sai To`os ida koloka format ba kada chefi aldia no chefi suku .
Jornalista:Erno
Editor:NP
