LOSPALOS RCL VOX POPULY=Enumerador no Supervijòr ba Sensus Uma Kain no Populasaun ba tinan ida ne`e iha Municipiou Lautèm , hamutuk Na`in atus Ida Lima nolu resin Lima , Preparadu no Prontu ona atu tùn ba terènu , hodi halo arolamento ga foti dadus Uma kain no Populasaun sira iha Muicipiu Lautèm ba tinan ida ne`e .
Xèfe servisu estatistika Municipiu Lautèm , Marfinu Pereira ba Jornalista RCL Quinta fèira 01/09/2022 iha nia Kna`ar fatin hateten , Total Enumeradòr nebe Recrutadu hamutuk na`in atus Ida Sanolu resi Hitu (117) , no Supervijòr hamutuk na`in Tolu nolu resin Walu (38) , no hirak ne`e sei hala`o nia servisu iha loron Ha`at Setembru to`o loron 5 Fulan Outubru tinan rihun Rua , Rua nolu resin Rua .
‘’ Ita nia Enumerador no Supervizor preparadu no pronto ona atu hala`o Kna`ar iha terrènu hodi halo Arolamentu ga dadus Uma kain no Populasaun iha Municipiu Lautèm , Total Enumerador ba Sensus Uma kain no populasaun nebe rekrutadu hamutuk na`in 117 no Supervijòr hamutuk na`in 38 , nune`e Total hamutuk Na`in 155 , no hirak ne`e sei hala`o kna`ar durante Fulani da tomak , hahu husi loron 4-09 to`o 05-10-2022 iha Municipiu Lautèm , maske loron 4-09-2022 ne`e hanesan lorn Dominggu , maibe Estadu liu husi Conselu Ministro aprova ona loron ida ne`e sai hanesan loron dahuluk ba Sensus Uma kain no Populasaun iha Municipiu Lautèm , tamba Pessoal sira sei desloka ba kada postu no sucu iha Municipiu Lautèm.’’ Hateten Xèfe servisu Estàtistika Municipiu Lautèm , Marfinu Pereira ba Jornalista RCL iha nia Kna`ar fatin Quinta fèira 01/09/2022
Nia mòs husu ba Enumerador no Supervijòr , sira nebe Preparadu no Prontu ona , tengki hala`o Kna`ar ho lolos , tuir prosedimentu nebe iha , tamba Planu Dezenvolvimentu Nasaun ba oin , depende ba dadus Sensus Uma kain no populasaun iha Nasaun Timor Leste .
‘’ Iha Oportunidade ida ne`e , Nudàr Xèfe Estatistika Municipiu Lautèm , hau husu ba Enumerador no Supervijòr , sira nebe Preparadu no Prontu ona , tengki hala`o Kna`ar ho lolos , tuir prosedimentu nebe iha , tamba Planu Dezenvolvimentu Nasaun ba oin , depende ba dadus Sensus Uma kain no populasaun nebe hala`o iha Nasaun Timor Leste ba tinan 2022 , nune`e tengki servisu ho disiplina .’’ hateten nia.
Entretanto; Enumerador no Supervizor ba Sensus Uma kain no Populasaun iha Municipiu Lautèm , preparadu ona tamba hetan ona Treinamentu durante Semana ida nia laran , no Formasaun ida ne`e nùdar Bukae ida ba sira nia servisu durante fulan ida tomak.
Jornalista;SdC
Editor;NP
