Lospalos RCL VOX POPULY 22/09/2022 = Ministro Administrasaun Estatal Miguel Pereira de Carvalho liu husi Abertura Reuniaun KKT iha salaun Administrasaun Municipiu Lautèm Quinta fèira 22/09/2022 ne`e hateten , Bazèa ba Diploma Ministèrial Konjuntu , nomos akordu interorgànicu Delegasaun kompetensia , nebe Ministro sira Delega ona ba nivel Municipiu maibe Implementasaun Programa Governu Central to`o iha Nivel Municipiu menus tebes no la la`o ho Màximu , kauza husi problema Rekursu Umanu no Finanseiru .
Governante ne`e esklarese , Municipiu sira maske hetan ona kompetensia husi Governu Çentral atu implementa Programa Governu iha Nivel Municipiu , maibe kontinua Infrenta poblema kona ba Rekursu Umanu no Finanseiru , nune`e Programa balun labele la`o ho màximu.
‘’ Municipiu sira , apezàr dà iha Kompetensia atu Implementa Programa Governu iha nivel Municipiu , maibe Implementasaun Programa sida`uk la`o ho Màximu , Bazèa ba Diploma Ministèrial Konjuntu , nomos akordu interorgànicu Delegasaun kompetensia , nebe Ministro sira Delega ona ba nivel Municipiu , ida mak Implementasaun Programa Merenda Escolar iha kada Municipiu menus no la la`o ho Màximu, kauza husi Rekursu Umanu no Finanseiru , maske kada tinan Governu Aloka Orsamentu ba Ministèrio Edukasaun ba Programa Merenda Eskolar tinan fiskal 2022 , ba kada Municipiu besik Onze Milhoẽs dolar Americanu , nune`e liu husi reuniaun ida ne`e oinsa ita deskute hodi melhora diak liu tan servisu sira ne`e antes Mandatu Governu da Walu termina.’’ Hateten Ministro Administrasaun Estatal Administrasaun Estatal Miguel Pereira de Carvalho liu husi Abertura Reuniaun KKT iha salaun Administrasaun Municipiu Lautèm Quinta fèira 22/09/2022 ne`e.
Masque iha Problema no dezafiu durante Implementasaun Programa Estadu iha nivel Municipiu , maibe Governu da Walu ne`e , konsege hetan progressu nebe avansaun iha area Dezenvolvimentu Podèr Local nian , nune`e Planu Dezenvolvimentu balun iha area Administrasaun Pùblica nian.
Entretanto, Reuniaun Konçelho Kordenasaun Tèritòrial ga KKT iha Municipiu Lautèm Partisipa husi , Administrador no Prezidente Autoridade Municipal husi Municipiu Sanolu resfin Tolu , la Inklui Regiaun Autonomu Enklave Oecuse Ambeno ga RAEOA.
Jornalista ; SdC
Editor ; NP
