LOSPALOS RCL VOX POPULY=Alunu Finalista sira husi Ensino Bazico Central Lautèm , Posto Administrativu Lautèm , Municipiu Lautèm , hamutuk na`in Atus Ida , Tolu nolu resin Sia (139) Prontu ona atu partisipa iha Ezame Local no Nasional iha tinan rihun Rua , Rua nolu resin Rua (2022) ne`e. tamba parte Eskola Prepara ona sira ho Materia tuir disiplina Ezame nian.
Diretòr Adjuntu EBC Lautèm Frederico da Silva ba Jornalista RCL Iha EBC Lautèm Sexta feira ne`e hateten , Eskola refere prontu ona atu halo Ezame Local no Nasional , tamba Pontus Ezame Local Parte Eskola Prepara ona , no Pontus Ezame Nasional prepara iha Nasional .
Nia mòs informa , maske Alunu finalista EBC Lautèm Prepara ona , maibe Parte eskola sei infrenta problema kona ba Meza no kadera , tamba alunu finalista sira hamutuk na`in Atus Ida , Tolu nolu resin Sia (139) tamba meza no kadera ne`ebe Eskola iha la to`o ba Alunu sira.
‘’ Ami nia Alunu Finalista ne`ebe sei tuir ezame Local no Nasional hamutuk na`in 139 , no hirak ne`e Prontu ona atu hasoru Ezame , ne`e duni ami nia Eskola prontu ona atu halo Ezame Local no Nasional , tamba Pontus Ezame Local Parte Eskola Prepara ona , no Pontus Ezame Nasional sei prepara iha Nasional , maibe hau mòs hakarak hateten de`it katak , maske Alunu finalista EBC Lautèm Prepara ona , maibe Parte eskola sei infrenta problema kona ba Meza no kadera , tamba alunu finalista sira hamutuk na`in 139 tamba meza no kadera ne`ebe Eskola iha la to`o ba Alunu sira.’’ Hateten Diretòr Adjuntu EBC Lautèm Frederico da Silva ba Jornalista RCL Iha EBC Lautèm Sexta feira 30/09/2022 ne`e.
Diretòr Adjuntu ne`e mòs husu ba alunu Finalista iha EBC Lautèm , atu Prepara A`an hodi bele hasoru Ezame Local no Nasional , tamba Ezame Rua ne`e mak nudar Determinasaun ba Estudante finalista sira , hodi hakàt ba Ensinu Secundària.
‘’ Nudàr Mestre no Aman ba EBC Lautèm , hau husu ba hau nia Finalista sira , atu Prepara A`an hodi bele hasoru Ezame Local no Nasional , nune`e bele hetan valor diak , tamba Ezame 2 ne`e mak nudar Determinasaun ba Estudante finalista sira , hodi hakàt ba Ensinu Secundària.’’ Dehan nia.
Entretantu; Eskola refere finaliza ona pontu ezame local , no no hein print sai , no sei hein Dirètor Foun mai mak sei Print , tamba Mandatu Diretòr remata ona iha Fulan ida ne`e , maibe iha tempu badak sei Print hodi hein loron Ezame nian .
Jornalista:AI
Editor:NP
