PA TUTUALA RCL VOX POPULY=Hahu husi Julho to`o Setembru tinan rihun Rua,Rua nolu resin Rua (2022) Postu Administrativu ga PA Tutuala , Municipiu Lautèm Ezèkuta ona Orsamentu ba Programa Mão de Obra Postu Administraivu ga PEMOPA ba Primeira Faze nian , hamutuk Dolar Americano rihun Ne`en nolu ($ 60.000.00) , ho Tipu Atividade , Hamòs Estrada , Reboizasaun iha area ne`ebe Risku ba Rai Halai , no Hamòs Sitiu Turisticu sira iha Postu refere .
Administrador Postu Administràtivu Tutuala , Albino de Araujo ba Jornalista RCL Iha nia Kna`ar fatin Quarta feira ne`e hateten , Ezekusaun Orsamentu PEMOPA ba faze Primeiru nian , Postu Administrativu Ejekuta ona hamutuk Dolar Americano rihun Ne`en nolu ($ 60.000.00) , Ejekuasaun Orsamentu Primera Faze ne`e ba Fulan tolu nian .
‘’ Orsamentu Programa Mão de Obra Postu Administraivu ga PEMOPA , iha Postu Administrativu Tutuala ba tinan ida ne`e hamutuk $120.000.00 Itàl , nune`e ami Ezekuta ona Primeira Faze nian ba Periodu Julho-Setembru 2022 nian hamutuk $ 60.000.00 , Programa Mão de Obra Postu Administraivu ga PEMOPA ba Primeira Faze nian iha Postu Administrativu Tutuala hahu iha Loron 27/07/2022 ho Tipu Aktividade mak hanesan , Hamòs Estrada , Reboizasaun iha area ne`ebe Risku ba Rai Halai,no Hamòs Sitiu Turisticu , Ami nia Ezekusaun ba Primeira Faze remata ona , no hein submete relatorio ba Finansa Municipiu , nune`e mòs hatama tan Planu Orsamentu ba Segunda Faze nian.’’ Hateten Administrador Postu Administràtivu Tutuala , Albino de Araujo ba Jornalista RCL Iha nia Kna`ar fatin Quarta feira 05/10/2022 ne`e.
Aman ba Postu Administràtivu Tutuala ne`e mòs Declara , ho programa PEMOPA iha PA Tutuala ne`e , konsege fo Servisu ona Grupu Comunitàriu hamutuk Tolu nolu resin Rua (32) ho kada grupu Ema na`in 20 , nune`e Programa ida ne`e Comunidade hamutuk Na`in 640 ne`ebe Mak pertense iha Sucu Rua iha Postu refere.
‘’ Grupu sira ne`ebe servisu iha Primeira Faze nian hamutuk Grupu 32 no kada grupu ema na`in 19 , no Na`in ida seluk sai Xèfe da Grupu , nune`e total Comunidade ne`ebe servisu ona iha PEMOPA Faze Primeiru nian hamutuk nain 640 ne`ebe mak Pertense iha Sucu Tutuala no Mehara Postu Administrativu Tutuala , no kada Grupu Servisu Durante Loron 15 de`it , tamba Ema barak liu , Programa ida ne`e Kada membru Grupu Ema ida hetan Osan $ 5.00 no ba Xèfe da Grupu Hetan $ 7.00 kada loron , programa ida ne`e mòs ajuda Povu hodi rekupera Povu nia Economia iha nivel Baze. Dehan nia.
Entretantu; Servisu ba PEMOPA nian ba Primeira Faze remata ona , no Administrasaun Postu Administrativu Tutuala halo hela elaborasaun Relatoriu no Planu ba Orsamentu no Actividade PEMOPA Segundu Faze nian.
Jornalista:SdC
Eitor:NP
