PA TUTUALA RCL VOX POPULY=Tuir Planu ne`ebe fiksu ona , Postu Administrativu ga PA Tutuala , liu husi Ezekusaun Orsamento PEMOPA sei Kria kondisaun diak iha Area Ili-Kere-Kere , ne`ebe lokaliza iha Sucu Tutuala , Postu Administrativu Tutuala , Municipiu Lautèm , tamba Kondisaun area Ili Kere-kere hahu àt ona .
Administrador Postu Administràtivu Tutuala , Albino de Araujo ba Jornalista RCL Iha nia Kna`ar fatin Quarta feira ne`e , Kondisaun ne`ebe atu kria iha Area Ili-Kere-Kere liu husi Orsamentu PEMOPA ne`e , atu fasilita Turista sira , karik Vizita Ili Kere-kere , tamba ne`e sai hanesan sitiu turisticu ida iha Postu efere.
‘’ Iha Tutuala , liu-liu iha Area Ili Kere-Kere , ami iha ona Planu atu Kria Kondisaun liu husi Programa Mão de Obra Postu Administraivu ga PEMOPA ba Segunda Faze nian , nune`e iha Futuru bele fasilita Turista Sira , wainhira Vizita Area refere , ida fali mòs tu bele atrai turista sira hodi bele Investe Osan ba Postu Administrativu Tutuala ne`e rasik . Uluk Ami halo Ona Uma Umbrela ga Rumah Payun iha area ne`e , maibe nia durasaun tempu naruk , hela de`it nia Rangka de`it , no tuir Ami nia Planu Uma Umbrela ne`e sei halo ho Tali metan , nun e`e bele dura ho tempu ne`ebe naruk.’’ Dehan Administrador Postu Administràtivu Tutuala , Albino de Araujo ba Jornalista RCL Iha nia Kna`ar fatin Quarta feira 05/10/2022 ne`e.
Nia mòs hateten tan , Alende iha Area Ili Kere-kere , Postu Tutuala mòs sei Utiliza Orasamentu PEMOPA nian hodi halo Reboizasaun ga Kuda Ai horis iha Area Tasi Ibun Valu sere , Suco Tutuala nian , tamba area ida ne`e mòs Potensia ba Turista Sira.
‘’ Iha Tasi ibun Valu Sere Tutuala mòs ami enkaixa ona iha Planu , atu Kuda ho Tipicu ne`ebe bele moris iha tasi ibun , nune`e bele sata netik , no fo mahon ba Ema Sira ne`ebe Vizita iha Arèa Tasi ibun Valu Sere Tutual nian , tamba Area refere Potensia bo`ot ba Turista sira , nune`e ho Ambiente Fresku bele hasa`e Vizitante sira iha rai laran nune`e mòs rai liur , hodi hatama rendimento nato`on ba ami nia Postu ida ne`e.’’ hateten nia.
Entretantu ; Planu ida ne`e Fiksu ona , tamba Administrasaun Postu Administrativu Tutuala Ekaixa ona ba Planu Programa Mão de Obra Postu Administrativu ga PEMOPA nian.
Jornalista:ACI
Editor:NP
