Tutuala RCL VOX POPULY 06/10/2022 = Nùmeru Rusa iha Ilha Jaco hahu Aumenta , Hahan no Be`e la Sufisiente iha Tempu agora , Nune`e Rusa iha Ilha Jaco Susar atu Proteze no balun Mate , tamba Tempu agora , Rusa sira susar atu hetan hahan , no be`e ho sufisiente , Nune`e Presija ita hotu nia Atensaun.
Administrador Postu Administrativu APA Tutuala , Albino de Arauju ba Jornalista RCL iha nia Kna`ar fatin Quarta Feira 05/10/2022 ne`e hateten , Foin lala`is Rusa balun mate iha Ilha Jaco , la`os kauza husi Problema Be`e , maibe Ilha Jaco hahan hahu Menus , tamba Nùmeru Rusa iha Ilha Jaco hahu Aumenta , nune`e Rusa sira susar atu Buka no Konsumu hahan .
Nia mòs hateten tan , Kona ba Problema Be`e Comunidade sira , liu-liu Vizitante sira ne`ebe Vizita Ilha Jaco sempre Transporta Be`e hodi Ense Depòzitu be`e ne`ebe Estabelese ona iha Area refere , maibe Susar ba Comunidade atu transporta Hahan ba llha Jaco ba Rusa sira atu Konsumu .
‘’ Foin lala`is ita hare`e Ema barak Publica iha Media Sosial katak Rusa Balun Mate iha Ilha Jaco tamba kauza husi Problema be`e , maibe tuir hau nia Hareè katak , Rusa balun mate iha Ilha Jaco , la`os tamba Problema be`e , maibe tamba Nùmeru Populasi Rusa iha hahu Aumenta , nune`e Hahan no Be`e iha Ilha Jaco la sufisiente on aba Sira , tamba tempu agora iha , hanesan Tempu bailoron , ne`eduni Du`ut sira ne`ebe moris iha Ilha Jaco mòs hahu maran , no hela de`it aitahan Maran , nune`e Prezudika ba Rusa sira susar atu konsumu hahan ne`ebe nato`on , Kona ba Problema Be`e De`it hau hanoin Ita bele rejolve , maibe kona ba Hahan , ne`e Susar ba ita atu rejolve , ne`e duni , Problema ne`e nudar Problema Natureza no Mudansa Klimatica.’’ Hateten Administrador Postu Administrativu APA Tutuala , Albino de Arauju ba Jornalista RCL iha nia Kna`ar fatin Quarta Feira 05/10/2022 ne`e.
Nia mòs husu ba , Ema hotu , liu-liu ba Vizitante sira ne`ebe Vizita iha Ilha Jaco , atu Kontinua Transporta Be`e hodi Ense iha Fatin be`e ne`ebe Prepara ona , nune`e ita bele hamutuk hodi fo Protesaun ba Rusa , maske hahan iha area refere hahu menus.
‘’Maske Rusa Balun Mate iha Ilha Jaco , maibe Ita hotu , liu-liu ba Vizitantes Sira , wainhira Vizita iha Ilha Jaco , obrigasaun tengki Transporta Be`e Husi Valusere , Tutuala ba Ilha Jaco , Nune`e Rusa Sira sira bele agoenta , maske Menus hahan .’’ katak nia.
Entretantu; Comunidade sira iha Obrigasaun atu Transporta Be`e Husi Valusere ba Ilha Jaco , hodi Fasilita Rusa sira atu Hemu , maibe Difisil ba Comunidade sira atu Transporta hahan Husi Valusere ba to`o iha Ilha Jaco .
Jornalista ; SdC
Editor ; NP
