Ensinu Secundàriu Geral Lere Anan Timor ga ESG LAT Lospalos , Quarta feira ne`e hala`o Enkontro ho Inan Aman Alunu Sira , hodi koalia kona ba Relatòriu Orsamentu Kontribuisaun Inan Aman, Planu Atìvidade Pedagojiku nian , nune`e mòs atu divulga Informasaun kona ba Bolsa de Mèritu , nomos Dezafius balun nebe Alunu no inan aman sira infrenta bazea ba Mundu Global.
Diretòr Adjuntu ESG LAT Lospalos , Tòmas Marianu Pintu liu husi Enkontro ne`e hateten , Realidade ne`ebe Oan Sira Infrenta , iha Uma no Eskola Kuaze hanesan de`it , tamba Labarik Sira hatoman A`an ona ho Joga Game iha Telemòvel duke Estuda.
Diretòr Adjuntu ne`e mòs hateten tan , Inan Aman sira tengki Kuida nafatin Oan Sira atu koninua Estuda , no bandu labarik sira atu Livre Uza Telemòvel ,hodi asesu ba Jogu ga Game , tamba game sei la fò Vantagen ba Labarik sira nia futuru.
‘’Agora ne`e , Labarik sira barak mak monu ba Mundu Global , liu husi Uza Telemòvel ho Livre , Uza Telemovel la`os hare`e ba buat ne`ebe bele fo Edukasaun diak , maibe sira Uza Telemovel hodi halo Game iha Telemovel , ida ne`e Dezafiu bo`ot ida ne`ebe ita nia Oan Sira hasoru , tantu Iha Eskola no Iha Uma. Nune`e hau husu ba Inan aman Sira tengki Kuida nafatin Oan Sira atu kontinua Estuda , no bandu labarik sira atu Livre Uza Telemovel ,hodi asesu ba Jogu ga Game , tamba game sei la fò Vantagen ba Labarik sira nia future , tamba Oan Sira mak nùdar ita Inan Aman nia Esperansa .’’ Hateten Diretòr Adjuntu ESG LAT Lospalos , Tòmas Marianu Pintu liu husi Enkontro ho Inan Aman Alunu Sira iha ESG LAT Quarta Feira 12/10/2022 ne`e.
Iha Fatin hanesan Prezidente Asosiasaun Inan Aman no Profesor ga AIAP Ensinu Secundàriu Geral Lere Anan Timor Lospalos Julio de Jejus Cantu hateten,Nia parte Konsidera , ho Mundu Globàl ne`e hamate ona Vontade Oan sira nian atu Estuda Lisaun iha ne`ebe hetan husi Eskola , maibe Labarik sira Aproveita Mundu Global ne`e ho Joga Game , tamba dada`un ne`e Game oin-oin mak mosu liu husi Android.
Iha oportunidade ida ne`e , Nùdar Reprezentante Inan Aman no Profesor sira iha Ensinu Secundària Geral Lere Anan Timor Lospalos , husu ba ita hotu atu bele kontrola didiak Oan sira atu Labele Mete ba Mundu Global ho Game de`it , maibe Aproveita Mundu Global ho Estuda , tamba Lisaun Edukativu mosu barak liu husi Telemovel Android.
‘’Durante ne`e hau mòs Observa Situasaun ne`ebe Afeta ba labarik sira ho Situasaun Global ida ne`e , Ne`eduni Hau mòs konsidera ho Mundu Globàl ne`e hamate ona Vontade Oan sira nian atu Estuda Lisaun iha ne`ebe hetan husi Eskola , maibe Labarik sira Aproveita Mundu Global ne`e ho joga Game , tamba dada`un ne`e Game oin-oin mak mosu liu husi Android, ne`eduni hau Nùdar Reprezentante Inan Aman no Profesor sira iha Ensinu Secundària Geral Lere Anan Timor Lospalos , husu ba ita hotu atu bele kontrola didiak Oan sira atu Labele Mete ba Mundu Global ho Game de`it , maibe Aproveita Mundu Global ho Estuda , tamba Lisaun Edukativu mosu barak liu husi Telemovel Android , hau mòs husu ba Oan Sira , liu-liu Alunu sira iha ESG LAT atu labele Diverte imi nia A`an ho Game , maibe buka Haka`as A`an hodi Diverte imi nia A`an ho Lisaun Edukativu liu husi Telemòvel Android.’’Dehan Julio.
Entretantu; Enkontru ida ne`e , la`o diak , maske mosu kotradisaun durante diskusaun , maibe konsege hetan solusaun ida ne`ebe Porfunda , hodi Dezenvolve sistema Edukativa iha Ensinu Secundaria Geral Lere Anan Timor Lospalos iha Futuru.
Jornalista ; Ano
Editor ; NP
