Lorè RCL VOXPOPULY 29/10/2022 = Còperativa Crèditu União Star Light Postu Administràtivu Lorè ga CCUSL.P.A , Municipiu Lautèm Sabadu Finda Semana ne`e hala`o Formasaun Bazicu kona ba Lala`ok Coperativa nian , iha Aldeia Vailana , Suco Lore Primeiru , Postu Administràtivu Lorè .
Objetivu husi Formasaun ida ne`e , atu fahe Informasaun Geral no Bazicu kona ba Lala`ok Koperativa no Deskuti mòs Statutu no Regimentu Interna , no halo planu ba Implementasaun Asembleia Geràl Còperativa Crèditu União Star Light hodi Fortè liu tan iha Futuru.
Iha Abertura Formasaun ida ne`e , Xèfe Aldeia Horolata Januari Pintu Soares ne`ebe Reprezenta Xèfe Aldeia Suco Lorè Primeiru , iha Abertura ne`e hateten , nùdar Lider Comunitària nivel Aldeia nian , Agradese ba Strutura Còperativa Crèditu União Star light Postu Administrativu Lorè , tamba ho inisiativa bele Hariì Còperativa iha Postu Administrativu Lorè , hodi bele fasilita Comunidade ne`ebe sai Membru ba Còperativa refere atu bele moris diak iha Futuru.
‘’ Ami nùdar Lider Comunitàriu iha Nivel Aldeia Sente Orgulho no Kontente ho Inisiativa , Strutura Còperativa Crèditu União Star light iha Postu Administràtivu Lorè , Municipiu Lautèm , tamba ho Coperativa ida ne`e bele fasilita Comunidade ne`ebe sai ona Membru Grupu Còperativa Crèditu nian , nune`e Aban bain rua bele Moris diak.’’ Katak Xèfe Aldeia Horolata Januari Pintu Soares ne`ebe Reprezenta Xèfe Aldeia Suco Lorè Primeiru , iha Abertura Formasaun Grupu Coperativa iha Aldeia Vailana , Suco Lorè Primeiru Sabado 29/10/2022.
Iha fatin hanesan Xèfe Suco Lorè Primeiru Abilio Amaral hateten , Nudar Autoridade Comunitàriu iha Suco Lorè Primeiru , agradese ba Grupu Koperativa ne`ebe Estabelese ona iha Postu Administràtivu Lorè nian , tamba ho Còperativa bele akumula Ema hotu , hodi sai Forsa ida ba Dezenvolvimentu Economia Membru hotu .
‘’ Nudar Autoridade Comunitàriu iha Suco Lorè Primeiru , agradese ba Grupu Koperativa ne`ebe Estabelese ona iha Postu Administràtivu Lorè nian , tamba ho Còperativa bele akumula Ema hotu , hodi sai Forsa ida ba Dezenvolvimentu Economia Membru hotu , ne`eduni Ezistènsia Koperativa ida ne`e , sai nùdar passu Pozitivu ida Moris grupu nian , no sai Kontribisaun ne`ebe bo`ot ba iha Dezenvolvimentu Economia ema hotu nian, Còperativa ida ne`e moris iha Povu nia Le`et hanesan Inisitiva Lorè oan rasik , no iha future Lorè oan bele hi`it an rasik liu husi Fundus Kapital ne`ebe Grupu ne`e iha.’’ Hateten Xèfe Suco Lorè Primeiru Abilio Amaral.
Husi sorin seluk , Reprezentante Veteranu Postu Administràtivu Lorè , Municipiu Lautèm Akimin mòs hateten ,Còperativa ne`ebe estabelese ona iha Postu Administrativu Lorè ne`e , hanesan asaun id aba Dezenvolvimentu Economia Povu nian iha Postu ida ne`e rasik , nune`e ita bele hakat Passu ida ho nene`ik , maibe hakat ba bebeik.
‘’ Còperativa ne`ebe estabelese ona iha Postu Administrativu Lorè ne`e , hanesan asaun id aba Dezenvolvimentu Economia Povu nian iha Postu ida ne`e rasik , nune`e ita bele hakat Passu ida ho nene`ik , maibe hakat ba bebeik , nune`e hau husu ba Membru hotu , atu kontinua Unidade nafatin , tamba Koperativa ne`e bele halo ita hotu dada malu ba Grupu Còperativa, hodi Dezenvolve Còperativa ne`e ba oin ho Envolvimentu Povu Lorè nian.’’ Hateten nia.
Entretantu,liu husi Actividade Formasaun ba Sensibilizasaun lala`ok Coperativa ba membru Grupu Koperativa sira iha Postu Administràtivu Lorè , Municipiu Lautèm partisipa husi Cordinador SECOP Municipiu Lautèm , Administradòr Postu Lorè , Lider Comunitàriu , Veteranu no membru Grupu tomak iha Còperativa Crèditu União Star Light Postu Administràtivu Lorè.
Jornalista ; ANO
Editor ; NP
