Lorè RCL VOX POPULY 28/10/2022 = Progresu Konstrusaun Edifisiu Administrasaun Postu Administrativu Lorè , Municipiu Lautèm ho mèdida Metru Rua nolu resin Lima Vèzes Sanolu resin Hitu (25x17M) , ne`ebe Construi Husi Compainia Timirenu Unipessoal Lda , iha Fulan Julho to`o agora , Fizikamente foin atinzi Porsentu Sanolu Resin ida pontu Walu (%11,8).
Engineiru Kompainia Timirenu Unipessoal Lda , Cristianu Pirès ba Jornalista RCL iha nia fatin Konstrusaun Sèxta feira ne`e hateten , Construsaun Edifisiu Administrasaun Postu Administrativu Lorè , Municipiu Lautèm husi Juilho 2022 to`o agora Fizikamente foin atinzi Porsentu Sanolu Resin ida pontu Walu (%11,8).
Engineiru Compainia ne`e mòs afirma , prosesu Construsaun ne`ebe ho Orsamentu Juta ida Dolar Americanu ne`e , ho durasaun tempu tuir kontratu fulan Ne`en , ho Trabailhador na`in Sia , kompostu husi Badaen Na`in Ha`at , Ajudante na`in Ha`at no Xèfe Trabailhador Na`in ida .
‘’Progresu Konstrusaun ba Edifisiu Administrsaun Postu Administrativu Lorè nian , hahu husi Julho 2022 to`o agora foin atinzi % 11,8 , maibe servisu kontinua nafatin , Ami nia Trabalahador ne`ebe Servisu iha Obra ida ne`e hamutuk Na`in 9 , kompostu husi Badaen Na`in 4 , Ajudante na`in 4 no Xèfe Trabailhador Na`in 1, Orsamentu ba Konstrusaun ida ne`e ho Montante Juta Ida Dolar Americanu , no Durasaun tempu ba Konstrusaun Edifisu ida ne`e Fulan 6 , maibe Ami la garante katak Konstrusaun ida ne`e sei Remata tuir durasaun tempu ne`ebe iha , tamba Tempu udan mòs to`o dada`uk , mais ami kontinua Servisu hodi Responsabiliza ami nia Obra ne`e maske la tuir Durasaun tempu ne`ebe determinadu husi Governu, Ami nia Material Konstrusaun Kompletu , maibe Problema mak Pozisaun Rai nian , ne`ebe mesak fatuk hotu de`it , halo Servisu ne`e la`o ho tarde , Ami nia Servisu ne`e hetan bebe`ik Monitorizasaun husi Equipa Agensia Dezenvolvimentu Nasional no Municipal.’’ Informa Engineiru Kompainia Timirenu Unipessoal Lda , Cristianu Pirès ba Jornalista RCL iha nia fatin Konstrusaun Sèxta feira 28/10/2022 ne`e.
Entretantu; Prosesu Konstrusaun ne`e la`o diak , tamba Kompainia Kontinua responsabiliza fiar ne`ebe Estadu entrega ba , tamba ida ne`e parte ida husi Kontribuisaun Kompainia nia ba Prosesu Dezenvolvimentu iha rai laran .
Jornalista ; ACI
Editor ; NP
