Lospalos RCL VOX POPULY 05/11/2022 = Tènente General Lere Anan Timor hateten , Istòria Ponta Leste hanesan Istòria Região Ponta Leste ne`ebe Diferente , tamba Região Ùm Ponta Leste nudàr Selèiru dà Nasaun, iha Periodu Funu Libertasaun Nasional , nune`e Jerasaun 12 de Novembru tengki buka hatene Istòria Ponta Leste ho didiak .
Tènente General , ne`ebe mòs nudàr Eis Xèfe Estadu Maior no Komandante Região Ùm Ponta Leste Lere Anan Timor , iha Konferènsia dahuluk ba -12 de Novembru rihun Ida Atus Sia , Sia nolu resin Ida iha Municipiu Lautèm , iha Salaun Administrasaun Municipiu Lautèm Sabado 05/11/2022 ne`e hateten tan , Istòria Região Ùm Ponta Leste ne`e diferente , tamba husi Região Ùm Ponta Leste mak delega nia Quadrus no Kilat ba Parte Oeste no rai Klaran , iha Funu Libertasaun Nasional, Ponta Leste nia Ema barak mak Mate iha fatin hotu husi Oeste to`o iha Rai klaran .
‘’iha fatin hotu-hotu iha Suco ga iha Postu , hau sempre koalia ba ema hotu-hotu katak ,iha periodu Funu Libertasaun Nasional , ami halo Istòria konta ba Imi hotu , imi hatutan Istòria , nune`e istòria labele lakon le`et . Istòria Região Ùm Ponta Leste Quando Ema konta Diferente liu ho Região sira seluk ,Região Ùm Ponta Leste mak sai Seleiru da Nasaun , iha Periodu Funu Libertasaun Nasional , nune`e Jerasaun 12 de Novembru tengki buka hatene Istòria Ponta Leste ho didiak konta tutan ba maluk sira ne`ebe la`ek ba Istòria Funu nian , hau hakarak hateten de`it ba Oan no Bè Oan sira katak , Istòria Região Ùm Ponta Leste ne`e diferente , tamba husi Região Ùm Ponta Leste mak delega nia Quadrus no Kilat ba Parte Oeste no rai Klaran , iha Funu Libertasaun Nasional, Ponta Leste nia Ema barak mak Mate iha fatin hotu husi Oeste to`o iha Rai klaran . ho Nune`e ema hotu rekoñese katak , Região Ponta Leste nùdar Seleiru dà Nasaun , tamba Ponta Leste hatudu duni Patriotismu no Nasionalismu , no iha domin bo`ot ba Rai no Nasaun ida ne`e.’’ hateten Tènente General , ne`ebe mòs nudàr Eis Xèfe Estadu Maior no Komandante Região Ùm Ponta Leste Lere Anan Timor , iha Konferènsia dahuluk ba -12 de Novembru rihun Ida Atus Sia , Sia nolu resin Ida iha Municipiu Lautèm , iha Salaun Administrasaun Municipiu Lautèm Sabado 05/11/2022 ne`e.
Nia mòs Declara , ema sira ne`ebe sei moris iha Mundu ne`e la`os Heròi ida , maibe Bàrani, ita sei la`o tuir dalan naruk, tamba Heròi ne`e Povu no A`swain sira ne`ebe fakar sira nia Ràn no isin ba rai ida ne`e .
‘’Ita sei liu dalan naruk , ne`eduni ita ne`ebe sei iha ne`e la`os Heròi ida , koalia kona ba Heròi ne`e ita nia Inan Aman no A`swain sira ne`ebe fakar ran iha rai no Nasaun ida ne`e , ita sei liu dalan naruk ida , tamba dalan iha Mundu la`os tetuk de`it , la`os ita liu iha Kulusaun nia leten , maibe ita sei liu dalan fatuk , ku`ak aitarak , Samea , Samodok , quandu ita sidi ita nia Eròi ne`e lakon tiha , mate ona rai taka ema bolu ita Hèroi ida , ne`e duni ita ne`ebe nudar kontinuador tengki hala`o kana`ar ho didi`ak nudar Timor oan.’’ Declara nia.
Entretantu; relasiona ho Ponta Leste ne`ebe ema rekoñese nudar Seleiru da Nasaun ,Juventude Ponta Leste mòs tengke sai Seleiru ba Dezenvolvimentu Nasaun nian, tamba Juventude mak nudar Pilar Dezenvolvimentu Nasaun nian , ne`e duni Juventude sira tengki kria Paz no Estabilidade iha rai ida ne`e .
Jornalista ; ACI
Editor ; NP
