Lospalos RCL VOX POPULY 05/11/2022 = Cordinadòr 12 Novembru Municipiu Lautèm Valente dos Santos Nato , husu ba strutura Jerasaun 12 de Novembru ga J-12 de Novembru ne`ebe sei estabelese iha Municipiu Lautèm , liu husi konferènsia dahuluk , atu buka hatene Istòria Tragèdia 12 de Novembru tinan Rihun ida Atus Sia Sia nolu resin Ida 1991 , nune`e bele hatutan ba Juventude sira hotu ho lolos , tamba Juventude barak mak rona de`it Tragèdia ne`e , maibe sida`uk hatene nia lala`ok.
Còrdinador 12 de Novembru Municipiu Lautèm kassu lia hirak ne`e liu husi Abertura Konferensia dahuluk J-12 de Novembru 1991 iha Municipiu Lautèm ho tema Ran Turuk Loriku A`swain hamutuk atu hametin Unidade no Dezenvolvimentu Nasional,ne`ebe hala`o iha Salaun Administrasaun Municipiu Lautèm sabado 05/11/2022.
Còrdinador ne`e mòs declara , durante ne`e ema hotu lakoi atu hakerek nia istòria rasik , hodi rai ba Oan sira , tamba hotu hotu preukupa nia actividade lor-loron nian hodi la fo interese ba ita nia istòria rasik.
‘’ Durante Periodu ida ne`e , barak mak sida`uk hatùr lolos ita nia Istòria , tamba ema hotu preukupa liu ba ida-idak nia Actividade lor-loron nian , nune`e Ita labele hakerek ita nia istòris rasik hodi rai nno konta tutan ba ita nia Oan no ba Jerasaun foun sira , nune`e Ita nia oan no Jerasaun sira labele konta tutan ba ema hotu , Nune`e hau husu ba Jerasaun 12 de Novembru iha Municipiu Lautèm atu buka hatene no hakerek Istòria Prosesu Funu to`o ukun rasik A`an ho lolos , nune`e tempu oin mai imi nia maluk sira bele konta tutan hodi hatu`ur istòria funu nian ho lolos no momos , tamba Istòria ita nian Importante husi Gerasaun ba Gerasaun.’’ Hateten Cordinadòr 12 Novembru Municipiu Lautèm Valente dos Santos Nato , iha Abertura Konferensia dahuluk J-12 de Novembru 1991 iha Municipiu Lautèm iha Salaun Administrasaun Municipiu Lautèm sabado 05/11/2022.
Iha fatin hanesan , Còrdinador Comite 12 de Novembru Regiaun Leste Alito Laivai Informa , ohin Oportunidade dahuluk ba Jerasaun 12 de Novembru Regiaun Leste nian iha Municipiu Lautèm Organiza Konferensia dahuluk J-12 de Novembru hodi estabelese , Strutura iha Nivel Municipiu , no ida ne`e Municipiu Primeiru ne`ebe hahu halo Konferensia , ida ne`e orgulho bo`ot ida ba Municipiu Lautèm.
Alitu Laivai ne`ebe mòs nudar Sobrevivente Tragèdia 12 de Novembro 1991 ne`e mòs afirma , Jerasaun 12 de Novembru tengki kontinua, La`o no Firme ho Istòria Funu nian, hodi Dezenvolve Nasaun ida ne`e ho patriotismu , nune`e Primeiru Jerasaun tengki hamrik firme ho Inan Aman sira ne`ebe uluk hasè hirus matan iha Tragèdia 12 de Novembru ne`ebe loke mundu tomak , hodi hamrik fo kontribuisaun ba Nasaun nia Indepedensia.
‘’Ohin Oportunidade dahuluk ba Jerasaun 12 de Novembru Regiaun Leste nian iha Municipiu Lautèm Organiza Konferensia dahuluk J-12 de Novembru hodi estabelese , Strutura iha Nivel Municipiu , no ida ne`e Municipiu Primeiru ne`ebe hahu halo Konferensia , ida ne`e orgulho bo`ot ida ba Municipiu Lautèm , Jerasaun tenki kontinua, La`o no Firme ho Istòria Funu nian, hodi Dezenvolve Nasaun ida ne`e ho patriotismu , nune`e imi Primeiru Jerasaun 12 de Novembru Municipiu Lautèm iha Região Leste ne`ebe nudar Primeiru Jerasaun tengki hamrik firme ho Inan Aman sira ne`ebe uluk hasè hirus matan iha Tragèdia 12 de Novembru ne`ebe loke mundu tomak , hodi fo kontribuisaun ba Nasaun nia Indepedensia , hau husu bai mi Oan sira ne`ebe nudar Jerasaun Primeiru 12 de Novembru atu firme nafatin nune`e bele hatutan Mehi Comite 12 de Novembru nian iha futuru.’’ Hateten Alitu Laivai.
Entretantu ; Strutura J-12 de Novembru Municipiu Lautèm , Tengki kontinua La`o no firme hodi kontribui ba Prosesu Dezenvolvimentu ho Patritismu , labele Dependente de`it ba Ina naman ne`ebe sai Sobrevivente ba Tragèdia bo`ot ne`ebe mosu iha tinan Tolu nolu resin ida liu ba , maibe tengki buka hatene Istòria lolos no momos kona ba Tragèdia bo`ot ne`ebe konsege Fanu mundu Internasional iha tempu ne`eba.
Jornalista ; ACI
Editor ; NP
