Lospalos RCL VOX POPULY 05/11/2022 = Jerasaun Dozè dè Novembru ne`ebe eziste iha Municipiu Lautèm , tengki tanè Às Lutadòr sira nia luta no Banàti tuir sira nia Sacrifisiu tomak , Luta nafatin ba Dezenvolvimentu Nasional hodi liberta Povu iha rai doben ida ne`e.
Administradòr Municipiu Lautèm , Domingos Xàviu liu husi Abertura Konferènsia Dahuluk J-12 dè Novembru, Iha Salaun Administrasaun Municipiu Lautèm Sabado 05/11/2022 ne`e hateten , ita organiza malu hodi Banàti tuir Heròi no Sobrevivente sira nia Sacrifisiu Funu to`o ohin loron , Luta nafatin ba Dezenvolvimentu hodi Liberta Povu iha rai doben ida ne`e ,maibe labele Organiza malu atu konta de`it Istòria.
Autoridade Municipiu Lautèm ne`e mòs acressenta , Funu Nasaun nian ne`e organizado , tamba ema sira ne`ebe uluk reziste iha ailaran , sira mòs organiza malu hodi hala`o servisu iha Vila laran no tiru malu ho inimigu iha Ailaran , ne`eduni ita hotu presiza Banàti tuir sira nia Sacrifisiu ida ne`e .
‘’Ita organiza malu atu konta de`it Istòria entaun lalika , maibe Organiza malu hodi Banàti tuir ita nia Inan Aman no Maluk sira seluk ne`ebe Matè no balun sei moris nia Sacrifisiu , tamba , labele gaba Àn hodi Dehan Funu ne`e ita Mesak halo , maibe Funus ne`e organizadu , ita nia Inan no Aman no Maun sira iha ailan lori fungsaun 2 hanesan Politica no hanesan Militàr , ne`eduni Sorin halo Politica iha Vila laran , no sorin Tiru malu ho Inimigu iha Ailaran , laiha sira nia Intervensaun Masacre mòs dala ruma laiha , sè sira laiha iha Ailaran mòs ita Juventude iha Vila laran labele halo buat Ida , Prosesu Funu ita hotu Kompleta malu hodi Liberta Nasaun , Ne`eduni ita nia Aman no maluk sira seluk Luta ba Libertasaun , ita Luta ba Dezenvolvimentu , Jerasaun 12 de Novembru tengki Esfòrsu nafatin hodi Domina ema seluk , atu Ema seluk labele domina fali imi.’’ Hateten Administradòr Municipiu Lautèm , Domingos Xàviu liu husi Abertura Konferènsia Dahuluk J-12 dè Novembru, Iha Salaun Administrasaun Municipiu Lautèm Sabado 05/11/2022.
Nudàr Aman ba Municipiu Lautèm , husu ba Juventude Jerasaun 12 de Novembru atu badinas Eskola no Estuda buka Matenek , hodi bele ukun rai ne`e , tamba Nasaun nia Futuru iha Juventude sira nia Liman.
‘’ Hau nudàr Autoridade nundar mòs imi nia Aman iha Municipiu Lautèm , hau husu ba Imi Juventude no Jerasaun 12 Novembru , atu Badinas Eskola no Estuda hodi sai Rekursu Umanu ne`ebe kualidade , hodi bele Ukun rai ida ne`e iha future , selae ema seluk Badinas Estuda no Matenek bele Ukun nafatin imi , ne`e duni hau husu dal aida tan , atu bele kontinua Eskola , no Estuda , tamba Nasaun nia Futuru iha Juventude sira nia liman.’’ Apèla Nia.
Entretantu; Juventude no Jerasaun 12 de Novembru tomak , tengki halibur malu hodi kria Estabilidade , Realiza Heròi sira nia Mehi hodi Luta ba Dezenvolvimentu hodi Liberta Povu Nasaun , liu-liu iha Municipiu Lautèm , tamba Juventude mak nudàr Pilar Dezenvolvimentu iha future.
Jornalista ; ACI
Editor ; NP
