LOSPALOS RCL VOX POPULY 08-11-2022=Comunidade Suco Cacavei , Postu Administrativu Lospalos , Municipiu Lautèm Konsidera Politika Oitavu Goveno Konstituisional ne`ebe Implementa Programa Mão de Obra Postu Administrativu ga PMOPA , Benefisia ona Comunidade sira hodi rekupera Economia.
Xèfe Aldeia Solepara , Suco Cacavei Nazario da Costa , ba Jornalista RCL iha Cacavei Tersa feira ne`e hateten , Implementasaun Programa PMOPA ne`e Importante tebes ba Comunidade sira , tamba alende Hamòs Estrada no Manutensaun Estrada , Programa ne`e mòs ajuda recupera Povu nia Ecònomia .
Xèfe Aldeia ne`e mòs husu ba Estadu Timor Leste , atu bele Kontinua nafatin Programa Mão de Obra Postu Administràtivu nian , nune`e Comunidade sira Aproveita , hodi hetan netik osan maske ki`ik , maibe ajuda ona Comunidade Sira.
‘’Hau sente Kontente ho Implementasaun Programa PMOPA ne`e Importante tebes ba Comunidade sira , tamba alende Hamòs Estrada no Manutensaun Estrada , Programa ne`e mòs ajuda recupera Povu nia Ecònomia , nune`e mòs hau husu ba Estadu Timor Leste , atu bele Kontinua nafatin Programa Mão de Obra Postu Administràtivu nian iha Tinan oin , nune`e Comunidade sira bele Aproveita hodi hetan netik osan maske ki`ik , maibe ajuda ona Comunidade Sira , Servisu Hamòs Estrada durante oras 8 nia laran , hahu husi Tuku 8:00 – 16:00 , Ema ida hetan $ 5.00.’’ hateten Xèfe Aldeia Solepara , Suco Cacavei Nazario da Costa , ba Jornalista RCL iha Cacavei Tersa feira 08/11/2022
Iha fatin hanesan Xèfe Grupu Aldeia Xtàranu Suco Cacavei , Arlinda Soares hateten sira sente kontente , tamba bele Servisu manan Osan , liu husi Programa PMOPA , tamba nùdar Comunidade bai-bain labele hetan Osan Dolar Lima iha Loron ida ou Rua .
‘’ Ami Sente kontente ho programa PMOPA ida ne`e , tamba liu husi Program aida ne`e , ami Comunidade bele hetan Netik $ 5.00 loron , tamba kadavès ami Comunidade bai-bain labele hetan osan $ 5 dolar iha loron 1-2 , maibe ho Programa Mão de Obra Postu Administràtivu , ne`ebe Governu Implementa , bele ajuda ona ami Comuidade iha Aldeia , atu bele rekupera ami nia Ecònomia , Nune`e hau husu ba Estado atu bele kontinua Programa ne`e kada , tinan , Nune`e Comunidade sira bele aproveita netik.’’ Dehan Arlinda .
Entretanto , Trabailhador kada Grupu Na`in Rua nolu inklui Xèfe Grupu , no hahu sira nia Servisu iha Segunda to`o Sabado husi tuku Walu dader to`o tuku Ha`at lorocra`ik (8:00 – 16:00) , kada Grupu servisu ho durasaun loron Rua nolu (20)
Jornalista:ACI
Editor:NP
