LOSPALOS RCL VOX POPULY 12-11-2022= Comisaun Organizadora ba Comemorasaun loron Masacre Santa Cruz no Loron Nasional Juventude iha Suco Soru Lospalos , Organiza Misa Agradecimento , ne`ebe Prezidi husi Padre Paroquia São Paulo Lospalos Padre Tòmas Gusmão de Carvailho SDB iha Kapela Souro , hodi Agradese ba Dedikasaun Juventude Lorico As`wain nian ba Funu Libertasaun Nasional tinan Tolu nolu resin Ida liu ba.
Padre Tòmas Gusmão de Carvailho SDB , Liu husi Homilia Misa Agradecimentu ne`e hateten , Loron Komemorasaun Dozè dè Novembru sai pontu reflekasaun ba Juventude Lorico As`wain no Povu iha Nasaun Timor leste , tamba ho loron ida ne`e ita bele Reflekta Situasaun Moris iha Pasadu.
Padre Tòmas mòs hateten , Loron Dozè dè Novembru Estadu Recoñese ona sai Loron Juventude Nasional , nune`e ita Povu tomak tengki tenki Lembra no hanoin hikas ita nia Matebian Heroi no Heroina sira ne’ebe ho atenbrani hodi sakrifika nian an ba rai Doben Timor Leste
‘’ Loron 12 de Novembru Tinan ida ne`e Convida ita hotu atu halo Refleksaun Pessoal ba Tinan 31 resin Ida liu ba , tamba 1991 hanesan Loron Masacre Santa Cruz , ne`ebe Juventude sira ho atenbrani Manifesta sira nia Direitu ba Liberdade , ne`e duni Loron Ida ne`e mòs Governu Timor Leste Recoñese ona sai loron Nasional ba Juventude sira , nune`e iha loron ida ne`e mòs ita Lembra hikas ita nia Juventude sira ne`ebe Sacrifica sira nia an ba Mate , no ba Sobrevivente sira ne`ebe ohin loron sei hala`o Viajen Moris iha Nasaun ida ne`e , tamba ho Sira nia dedikasaun tomak , ohin loron ita bele hetan Nasaun ida ne`ebe Indepedente no Soberania. ‘’ Dehan Amu Padre Tòmas Gusmão de Carvailho SDB iha Misa Agradesimento Dozè de Novembru iha suku Souro sabadu 12/11/2022.
Padre Pàroqu mòs hateten tan , loron Dozè dè Novembru nee sai funu isin no sai funu kakutak , husi heroi sira , nune`e ita povu bele comemora fali loron istòricu ida ne`e , no ita povu mos bele hamoris fila fali ho espiritu de Sentidu hodi ukun rai ida ne`e , atu rai ida ne`e labele monu ba Ema husi Nasaun seluk.
‘’ loron Dozè dè Novembru nee sai funu isin no sai funu kakutak , husi heroi sira , nune`e ita povu bele comemora fali loron istòricu ida ne`e , no ita povu mos bele hamoris fila fali ho espiritu de Sentidu hodi ukun rai ida ne`e , atu rai ida ne`e labele monu ba Ema husi Nasaun seluk , no ita ne`ebe sei moris kontinua nafatin hodi Luta hodi liberta Povu husi Ki`ak no Mukit .’’ hateten Tòmas Gusmaun de Carvalho.
Entertantu ;misa agradesimentu ba loron doji de novembru iha suku soru lao ho diak tamba hetan partisipasaun masimimu husi sobreviventes dozi de novembru nian, Jersaun 12 de novembru ,no Comunidade sira tomak iha Suco Souro Lospalos .
Jornalista:Erno
Editor:NP
fo
