LOSPALOS RCL VOX POPULY = Cordinaòr Comite 12 dè Novembru Municipiu Lautèm , Valente dos Santos Nato hateten , ho Celebrasaun Loron Dozè dè Novembru iha Tinan ida ne`e , ita hanoin hikas Masacre Santa Crùz ne`ebe akontese iha tinan Tolu nolu resin Ida liu ba , tamba Tràgedia Masacre Santa Crùz Konsege fanu Mundu Internasional atu hamrik hodi Suporta Timor Leste nia Indepedensia.
Iha Suco Soru , Postu Administrativu Lospalos Sabado ne`e , Valente dos Santos Nato , ne`ebe mòs nudar Sobrevivente Doze dè Novemru ida ba Jornalista RCL Esklarese , Loron ida ne`e nudàr loron istòricu ba Juventude Lorico As`wain no Nasaun Timor Leste , tamba iha tinan 31 liu ba , Juventude sira halibur malu hodi organiza Manifestasaun bo`ot hasoru dictatòr Rezime Kolonial Indonezia nian , ho Objetivu hodi liberta Rai doben Timor Leste.
Nato Mòs hateten tàn , ho Celebrasaun Loron ida ne`e , ita bele hanoin hikas Masacre Santa Crùz iha Dili , iha tinan rihun ida Atus Sia , Sia nolu resin Ida (1991) hodi fo Ònra no Glòria ba Heròi sira nia luta ba Libertasaun Nasional , tamba ho sira nia dedikasaun tomak , ohin loron Timor Leste sai Nasaun Soberanu ida iha Mundu.
‘’ Ohin ita halo Celebrasaun loron 12 de Novembru ba tinan ida ne`e , fila fali ba passadu tinan 31 ida liu ba kona ba Masacre Santa Crùz 1991 nian , iha tempu ne`eba , ita nia maluk Juventude Sira Organiza malu halo Manifestasaun bo`ot hasoru Dictatòr Rezimi Kolonial Indonezia nian ho objetivu ida de`it mak Nasaun nia Indepedente no soberanu , ida ne`e Fanu ita hotu , atu tau interese Bo`ot hodi hadomi malu no Unidade nafatin , hanesan Mosu iha Tinan 31 liu katak ita nia Maluk sira , hatudu duni Unidade hosoru Invazòr Indonezia nian iha tempu ne`eba , ne`eduni , ba ita ne`ebe sei Moris sai hanesan Sobrevivente no ba Ema hotu atu banati tuir , Lorico As`wain sira nia Luta iha tempu ne`eba , hodi Luta ba Libertasaun Povu , nune`e ita hotu bele Alkansa Heroi no Heroina sira nia Mehi , no sai sira nia kontinuador Luta nian , ba Pàz , Estabilidade, hodi halo Dezenvolvimentu ne`ebe diak liu tan.’’ hateten Cordinadòr Comite 12 de Novembru Municipiu Lautèm ba Jornalista RCL wainhira partisipa iha Selebrasaun Loron Masacre Santa Crùz no loron Nasional Juventude iha Suco Souro , Postu Lospalos , Municipiu Lautèm Sabado 12/11/2022
Nudàr Sobrevivente ida iha Suci Souro , Nato husu ba Juventude tomak , iha Nasaun Timor Leste , Liu-liu iha Suco Souro , Posto Administrativu Lospalos , atu labele haketak malu , maibe la`o Hamutuk nafatin hodi Hametin Unidade , ba Asaun Dezenvolvimentu Nasaun nian.
‘’ Iha Biban ida ne`e , hau Nudar Sobrevivente ba 12 de Novembru , nune`e mòs nudar imi nia maun , hau husu ba Juventude sira tomak iha Nasaun Timor Leste , atu labele haketak malu , maibe kontinua Hametin Unidade , Pàz no Estabilidade iha rai ida ne`e , tamba imi mak nudar Kontinuador Luta hodi Liberta Povu iha rai Soberanu ida ne`e ,tamba rejultado Unidade ita nia Maluk sira iha tempu ne`eba mak , halo Ita hetan Nasaun ida ne`ebe Indepedente no Soberanu , hau husu dala ida tan ba imi hotu , atu kria nafatin Unidade ba Paz no estabilidade , hodi kontribui ba Prosesu Dezenvolvimentu iha rai ida ne`e.’’hateten Nato.
Entretanto; selebrasaun Loron Masacre Santa Crùz no Loron Nasional Juventude , hanesan Momentu ida Importante no Istòrico , hodi fanu Juventude sira , atu Banati tuir Unidade Juventude Lorico As`wain sira nia luta ba Libertasaun Nasional iha tempu ne`eba , tamba ho sira nia Dedicasaun , mak ohin loron ita hotu bele moris Livre husi Invazòr sira iha Nasaun ida ne`e.
Jornalista:Lino
Editor:NP
