Lospalos RCL VOX POPULY 18/11/20022 = Comèrsiantesira ne`ebe hola parte iha Fèira Pùblicu ne`ebe Organiza husi Comisaun Organizadora ba Selebrasaun , Comemorasaun Loron Proclamasaun Indepedensia Timor Leste iha Municipiu Lautèm , Prèukupa ho Fasilidade Be`e no Saniamento Bazicu iha fatin Fèira nian , hodi Difikulta ba Ema hotu, atu atende sira nia nececidade.
Reprejentante Comersiante iha Feira Joaquina Manuel Frèitas ne’ebe Jornalista RCL hasoru iha Kampu Fèira Stand 17 Sèxta ne`e Argumenta , Husi inisiu Lansamentu Feira iha loron Sanolu Resin Lima Fulan Novembro to`o agora , sira sente la seguru , tamba Susar atu asegura Saude no hygiene iha Fatin Fèira , tamba laiha Be`e no Saniamentu Bazico , Nune`e Husu ba Comisaun Organizadora , atu bele kanalija be`e tama iha Area Fèira nia , nune`e bele fasilita sira nia nececidade .
‘’ Inisiu Ami Rezista iha Comisaun Organizadora ba Loron Komemorasaun Proklamasaun Indepedensia Timor Leste nia iha Municipiu Lautèm atu hola parte iha Actividade Feira , hodi ami bele iha Oportunidade atu Promove no Fa`an Ami nia Produtu sira ne`ebe mak ami iha , maibe hahu husi Inisiu loron 15/11/2022 to`o agora , ami Preukupa lòs ho Be`e Mòs no Saniamento Bazicu , tamba Comisaun Organizadora , lada`uk Kanalija be`e no Instala Saniamentu bazicu atu fasilita ami nia nececidade durante Feira ne`e la`o , nune`e ami Sente la seguru iha Fatin Feira nia , tamba Susar ba Ami atu Soe Foer bo`ot no ki`ik , nune`e husi Inisiu kuandu Nececidade Obriga , ami tengki halai ba to`o Uma. Relasiona ho ida ne`e , ami husu ba Comisaun Organizadora atu bele tau matan ba assuntu ida ne`e , tamba la`os ami de`it mak preukupa maibe Vizitante Feira mòs Preukupa hotu .’’ Hateten Joaquina ba Jornalista RCL Iha fatin Fèira Stand 17 Sèxta 18/11/2022.
Hatan ba Preukupasaun ida ne`e , Secrètariu Municipiu Lautèm Jacinto da Costa ne`ebe mòs nudar Prezidente Comisaun Organizadora husu ba Comersiante no Operador Jogu iha Feira Pùblicu nian , atu pasensia hodi simu realidade ne`ebe iha , tamba Comisaun Organizadora sei esforsu hodi fasilita be`e ba iha area Fèira nian la`os ohin maibe loron tuir mai.
‘’ Ami rekoñese duni kona ba Problema Be`e ne`ebe sira hato`o , maibe Ami Comisaun Organizadora ba Loron Komemorasaun Proclamasaun Indepedensia Timor Leste , iha Municipiu Lautèm kontiniua Esfòrsu no buka dalan atu bele Kanaliza ou Fasilita Be`e ba iha Fatin Feira nian , Nune`e Husu dala ida tan ba Organizadora husu ba Comersiante no Operador Jogu iha Feira Pùblicu nian atu pasensia hodi simu realidade ne`ebe iha , tamba Comisaun Organizadora sei esforsu hodi Fasilita be`e ba iha Area Feira nian la`os ohin maibe loron tuir mai.’’ Hateten Jacinto
Entertantu : tuir Observasaun Jornalista iha Fatin Feira nian hatudu katak , Vizitantes Feira , barak liu iha tempu Locra`ik no Kalan , enquanto loron Feira laiha Vizitante sira ba Feira refere .
Jornalista ; Linda
Editor ; NP
