Lospalos RCL VOX POPULY 18/11/2022 = Kompañia Local hamutuk Rua nolu Iha Municipiu Lautèm Sèxta feira ne`e , partisipa Enkontru Prèkualifikasaun kona ba Programa Dezenvolvimentu Integradu Municipal ga PDIM iha Salaun Administràsaun Municipiu Lautèm , hodi rona no hato`o ideia ba malu kona ba lala`ok implementasaun PDIM iha Tinan oin.
Diretòr Servisu Municipal Aprovizionamentu SMA Municipiu Lautèm Josè Hedson Rodrigues Caetano ba Jornalista RCL Sèxta feira ne`e , liu husi Via Telefonica hateten , Encontro ida ne`e hola parte ba prosesu prèkualifikasaun ba Implementasaun Programa Dezenvolvimentu Integradu Municipal ga PDIM , ho Objètivu ida atu hamutuk hodi fò hanoin no ideias ba malu kona ba lala`ok PDIM nian iha Municipiu Lautèm , nune`e kompañia sira hatene no komprende regra no Kriteiru PDIM ne`e nian rasik.
Diretòr SMA ne`e mòs hateten tan , liu husi Enkontro Prèkualifikasaun ne`e , Servisu Municipal Aprovizionamentu Municipal , fo oportunidade bo`ot ba Kompañia sira , atu bele hato`o sira nia esperensia no hanoin , kona ba lala`ok Implementasaun PDIM nian ne`e rasik , hodi labele difikulta kompañia sira hodi aplika iha Konkursu Pùblico ne`ebe sei mai.
‘’Bazèa ba Decrètu lei Nùmeru 54/2020/28 de Outubru Artigu 154 Alinèa 4 haktuir katak , Servisu Municipal Aprovizionamentu maka ejerse kompetensia KAM hodi Lidèra Prosesu Prèkualifikasaun no konkursu Pùblico ne`ebe kada tinan sempre Selebra iha Nivèl Municipal , ne`eduni , kada tinan SMA no Servisu PDIM ejerse Prèkualifikasaun no konkursu pùblicu Municipal , atu prèkualifika no katègoriza Emprèza ga Kompañia sir aba Katègoria A ho Valor Projetu $ 150.000 no B ho Valor 15o,000.00 -500.000.00, ne`eduni Enkontru ida ohin ne`e hola parte ba prosesu prèkualifikasaun ba Implementasaun Programa Dezenvolvimentu Integradu Municipal ga PDIM , ho Objètivu ida atu hamutuk hodi fò Informasaun Imdiata kona ba lala`ok PDIM nian iha Municipiu Lautèm , nune`e kompañia sira bele hatene no komprende diak liu tan regra no Kriteiru PDIM ne`e nian rasik , liu husi Enkontro Prèkualifikasaun ne`e , Servisu Municipal Aprovizionamentu Municipal , fo oportunidade bo`ot ba Kompañia sira , atu bele hato`o sira nia esperensia no hanoin , kona ba lala`ok Implementasaun PDIM nian ne`e rasik , hodi labele difikulta kompañia sira hodi aplika iha Konkursu Pùblico ne`ebe sei mai. Hateten Diretòr Servisu Municipal Aprovizionamentu Municipal SMA Municipiu Lautèm Josè Hedson Rodrigues Caetano ba Jornalista RCL Sèxta 18/11/2022 .
Entretanto; bazea ba dadus ne`ebe iha , Kompañia ga Emprèza Local ne`ebe Ezisti iha Municipiu Lautèm hamutuk 28 , maibe partisipa iha Enkontro Prèkualifikasaun , hamutuk Kompañia 20 de`it , nune`e hirak ne`ebe partisipa hetan ona informasaun no Equipa Tècnicu sei Vizita Fatin Kompañia , hodi halo identifikasaun ba Rekursu no Equipamentu ne`ebe kada Kompañia iha bazèa ba Kritèriu ne`ebe iha.
Jornalista ; Lisino
Editor ; NP
