LOSPALOS RCL VOX POPULY = Polisia Nasional Timor Leste , Unidade Trànzitu Municipiu Lautèm tinan kotuk , konsege Hatama Reseitas ba Kofre Estadu ho Montante rihun Ida atus Ne`en Rua , dolar Americanu ($1.602.00) liu husi Pàsa Revista .
Komandante PNTL Munisipio Lautèm Superintendente polisia Antonio Regu Fernandes nebe jornalista RCL haoru iha nia serviso fatin quarta feira ne’e hateten , durante tinan ida tomak PNTL Unidade Tranzitu Municipiu Lautèm hala`o pasa revista ba Veikulu sira ne`ebe Viola Kodigu Estrada no Viola lei Trànzitu nian ne`e , konsege hatama reseita ba konfre estadu hamutuk Rehun ida atus ne`en rua dolares Amerikano .
‘’durante tinan ida tomak hahu husi janeiro to dejembro tinan 2022 PNTL Unidade Trànzitu Municipiu Lautèm hala`o sira nia servisu ba Pàsa Revista ba Transporte Pùblicu no Privadu sira iha Municipiu Lautèm , no konsege hatama reseita ba konfre Estadu hamutuk $1.602 ne’ebe kompostu husi motorijada hamutuk 493,kareta hamutuk 51 ,tumtum hamutuk 33 no dokumentos hamutuk 308’’. Dehan Komandante PNTL Munisipio lautèm superitendete polisias Antonio Regu Fernandes ba jornalista RCL iha nia serviso fatin quarta 11/01/2023
Komandante PNTL Superintendente Policia mòs hateten , Durante Pàsa Revista ne`e la`o , Parte Polisia konsege Prende Kareta no Motòr barak , tamba konsidera viola Regra Transzitu nune`e mòs lei Kondiku Estrada nian .
‘’Durante PNTL Unidade Trànzitu hala`o nia servisu liu husi Pàsa Revista , konsege Prende Kareta no Motòr barak , tamba hirak ne`e konsidera , Viola Lei Trànzitu liu-liu Kodico Estrada nian , nune`e ami husu ba Comunidade tomak , liu-liu motorizada no Kondutor sira , atu bele Kompleta Dokumentu Veikulu sira , liu-liu ba Dokumentu Motor no Kareta , nune`e mòs Kapasete , tamba ho hirak ne`e make ma hotu livre husi Pàsa Revista husi Parte Polisia . ‘’ hateten Antonio
Entertantu; Atu labele kontra Lei Tranzitu no rodoviariu , nune`e mòs lei Kodiku Estrada , Komunidade sira , tengki iha Konsiensia moral hodi bele kontribui ba Parte ne`ebe kompetente , hodi kumpri nafatin Lei ne`ebe iha , nune`e bele kontribui ba dejenvolvimentu iha pais ida nee .
Jornalista:sili
Editor:NP
