LOSPALOS RCL VOX POPULY 16-01-2023=Komandante Operasional Autoridade Protèsaun Civil Municipiu Lautèm , Segunda fèira ne`e informa , Uma Komunidade hamutuk Sia nolu resin Walu Mak hetan Estragus , Kauja husi Anin bo`ot ne`ebe Akontese iha fulan Dezembru rihun Rua , Rua nolu resin Rua (2022) liu ba , no dadus ida ne`e hanesan dadus Provizòriu , tamba Protèsaun Civil kontinua hala`o Identifikasaun dadus .
Komandante Operasional Autoridade Protèsaun Civil Municipiu Lautèm , Inspètòr Xèfe Policia Tito da Silva ba Jornalista RCL iha nia Kna`ar fatin hateten tan , bazea ba dadus ne`ebe mak Parte Protesaun Civil rekolha , total Uma kain Sia nolu resin Walu (98) mak sai Vitima ba Dezastre Anin bo`ot ne`ebe mosu iha Dezembru tinan rihun Rua , Rua nolu resin Rua (2022) liu ba , no Parte Protèsaun Civil Municipiu Lautèm , Responde ona ho Emergensia .
Komandante ne`e mòs Informa , Equipa Protèsaun Civil , hahu Distribui ona Sasan Emergensia ba Vitima Dezastre , nudar Asaun Emergensia ne`ebe Governo liu husi Secrètària Protèsaun Civil iha Municipiu Lautèm.
‘’Relasiona ho Akontesimento Anin bo`ot ne`ebe akontese iha fulan Dezembru 2022 liu ba , konsege Estraga Uma Komunidade hamutuk 98 Mak hetan Estragus ,no dadus ida ne`e hanesan dadus Provizòriu , tamba Protèsaun Civil kontinua hala`o Identifikasaun dadus , dadus ne`ebe mak Parte Protesaun Civil rekolha , total Uma kain 98 mak sai Vitima ba Dezastre Anin bo`ot ne`ebe mosu ne`e Afeta ba Comunidade sira nia hela fatin , nune`e Parte Protèsaun Civil Municipiu Lautèm , Responde ona liu husi Ajudu Emergensia ho Emergensia nudar Asaun Emergensia ne`ebe Governo liu husi Secrètària Protèsaun Civil ba Vitima Dezastre Anin bo`ot iha Municipiu Lautèm , no Ajudus Emergensia ida ne`e Equipa Operasional Autoridade Protèsaun Civil Municipiu Lautèm distribui ona ba Vitima Dezastre iha Postu Administrativu 5 , Enkuantu Postu Iliomar sei iha Prosesu , tamba Parte Protesaun Civil hetan Problema kona ba Fasilidade Transporte no Rekursu Umanu.’’ Dehan Komandante Operasional Autoridade Protèsaun Civil Municipiu Lautèm , Inspètòr Xèfe Policia Tito da Silva ba Jornalista RCL iha nia Kna`ar fatin Segunda 16/01/2023
Husu kona ba total Uma ne`ebe hetan estragus Todan , hirak mak hetan Estragus , Komandante Operasional Autoridade Protèsaun Civil Municipiu Lautèm sida`uk bele Informa tamba sei iha Prosesu Identifikasaun , nune`e husu ba Comunidade sira ne`ebe hela iha Area Risku atu bele Kuida Àn , no relata lala`is ba Auoridade Protesaun Civil karik , iha Uma balun ne`ebe hetan Estragus tamba Dezastre.
‘’ Ami sida`uk bele relata total Uma Comunidade ne`ebe hetan Estragus Todan , tamba Autoridade Protesaun Civil sei iha prosesu Identifikasaun dadus , nune`e husu ba Comunidade sira ne`ebe hela iha Area Risku atu bele Kuida Àn , no relata lala`is ba Auoridade Protesaun Civil karik , iha Uma balun ne`ebe hetan Estragus tamba Dezastre , nune`e Autoridade Protèsaun Civil bele halo Asaun Emergensia ba Vitima sira.’’ Hateten Titu .
Entretanto; Equipa Operasional , Autoridade Protèsaun Municipiu Lautèm , sei kontinua Distribui Ajudu Emergensia ba Vitima Dezastre Naturais , no ba Uma Komunidade ne`ebe hetan Estragus todan Autoridade Protèsaun Municipiu Lautèm sei relata ba Nasional , hodi hetan Material Rekuperasaun .
Jornalista:ACI
Editor:NP
