LOSPALOS RCL VOX POPULY 06-02-02023= Durante tinan Rua nia laran , hahu husi Rihun Rua Rua nolu resin Ida too tinan rihun Rua Rua nolu resin Rua (2021-2022) , Servico Munisipal Agua Saniamentu Ambiente SMASA Municipiu Lautèm , hahu estabelese ona sistema Be`e Rural hamutuk atus Ida resin Rua iha Municipio lautèm , hodi fasilita komunidade atu bele Asesu ba Be`e mòs hodi konsumo ho diak, tamba Be`e sai Nececidade Primeiru ba ita Ema nia Moris .
Diretòr Servico Munisipal Agua Saniamentu Ambiente SMASA Municipiu Lautèm , Akasio Pereira ne`ebe jornalista RCL hasoru iha nia serviso fatin segunda feira ne`e hateten , maske prosesu serviso SMASA komplikadu , maibe konsege estabelese sistema be`e rural hamutuk atus Ida resin Rua , kompostu husi sistema Bomba Hamutuk Hat nolu resin Nen(46) no sistema grafitasaun hamutuk Lima nolu resin Nen (56).
‘’ Durante nee SMASA nia serviso mak toma konta ba sistema Bee Rural nian maibe nia prosesu serviso mak komplikado Ituan, maibe durante nee Ami konsege lao nafain ami nia serviso ba iha Area rural nian no ami mos konsege estabelese sistema Bee rural hamutuk 102 nebe kompostu husi sistema Bomba Hamutuk hat nolu resin nen no sistema grafitasaun hamutuk lima nolu resin nen ‘’ dehan Dirtector serviso Municipal de Agùa Saneamento e Ambinte Municipio Lautèm Akasio Pereira ba Jornalista RCL iha nia serviso fatin segunda feira 06/02/2023
Diretòr SMASA ne`e hateten tan , Servico Munisipal Agua Saniamentu Ambiente SMASA Municipiu Lautèm , sei kontinua halo Manutensaun ba Sistema Be`e rural ne`ebe estabelese iha Munisipio Lautèm .
‘’Sistema Bee rural nebe SMASA estabelese ona postu sira nebe pertense iha Municipio Lautèm ne`e, Ami nia ekipa sei halo monitorin, no sei halo manutensaun hodi halo reparasaun nafatin ba sistema Bomba no sistema grafitasaun sira ,wainhira hetan avaria ‘’ hateten Akasio Pereira
Entertantu ; husu nafain ba komunidade sira ne`ebe uja no komnsumo ona be`e mos husi sistema grafitasaun no sistema bomba , atu bele uja ho diak no tau matan nafain ba sistema bomba no grafitasaun refere atu bele dura to`o tempu ne`ebe naruk .
Foto:Erme
Editor:NP
