Lospalos RCL VOX POPULY 01/03/2023 = Mission Aviation Fellowship (MAF) Quarta Feira ne`e hala`o Konsultasaun hodi rona direita husi Autoridade no lider Comunitàriu sira kona ba Operasaun Aviaun ne`ebe tempu badak nia laran sei fasilita Pasazeiru ga Comunidade sira hela iha area Izoladu ne`ebe sida`uk asesu kauza husi Kondisaun Infràstrutura Estrada Geografikamente.
Country Director Mission Aviation Fellowship (MAF) Nick Hitch liu husi Enkontro Konsultasaun ne`ebe hala`o iha salaun Administrasaun Municipiu Lautèm hateten , ho Operasaun Aviaun ho Rute Lospalos Dili ne`e sei la`o semana Ida dala Rua , kompostu husi loron Tersa feira no Quinta feira , ho Folin Lospalos Dili , dolar Americanu Lima nolu ($50.00)kada Pasajeiro ho durasaun Menutu Lima nolu , no Dolar Tolu nolu ($30)kada Pasajeiru ho Rute Lospalos Baucau ho durasaun Menutu Rua nolu .
Nia mòs hateten , ho Operasaun Aviaun ho Rute Lospalos , Dili ne`e atu fasilita Comunidade sira hodi hasa`e rendimentu Economia , tamba ho Operasaun ida ne`e bele fasilita Comuidade sira ho lala`is , liu-liu ba sira ne`ebe servisu iha Dili ou halo negosiu .
‘’Hanesan it abo`ot sira hatene katak , Mission Aviation Fellowship (MAF) la`os atu halo negosio , , ami nudar Organijasaun ne`ebe halo asàun Karidade , ne`ebe suporta husi ami nia doador sira iha mundu , hodi ajuda dezenvolvimento Nasaun Timor Leste nian , Agricultura , Edukasaun, Saude no fornese be`e mòs , Buat sira ne`e hotu hanesan dalan ida ne`ebe diak baa mi atu tulun it abo`ot sira liu husi Operasaun Aviaun iha Municipiu Lautèm dala 2 kada semana , iha Tersa no Quinta Feira , ita bo`ot sira mòs sei aproveira Koneksaun Regular Aero Baucau no Dili , Kustu Viazen Lospalos Dili , $50.00 kada Pasajeiro ho durasaun Menutu 50 , no Dolar $30.00 kada Pasajeiru ho Rute Lospalos Baucau ho durasaun Menutu 20 , MAF mòs iha komitmentu atu dezenvolve it abo`ot sira nia Negosiu , no fasilita Povu sira nia Dezenvolvimentto Economia , nune`e mòs fasilita ho lala`is ba Fungsionario sira ne`ebe presija hala`o lala`is nia servisu Urgente ruma , nune`e mòs fasilita ema moras hodi asesu Sa`ude iha Baucau no Dili , Operasaun Aviaun ne`e mòs sei fasilita Agricultor sira atu bele lori sira nia produtu bai ha Dili ou Baucau hodi fa`an , Hau mòs husu ita hotu nia apoiu tomak hodi bele asegura nafatin Operasaun Aviun ho Rute Dili Lospalos no Lospalos Baucau.’’hateten Country Director Mission Aviation Fellowship (MAF) Nick Hitch liu husi Enkontro Konsultasaun ne`ebe hala`o iha salaun Administrasaun Municipiu Lautèm Quarta 1/03/2023.
Entretanto; Durante Enkontru Konsultasaun Oras Rua nia laran , Autoridade no Lider Komunitàriu Sira hanesan Rasa , Home no Fuioloru Lospalos , Aseita Operasaun Aviaun ida ne`e , maibe MAF Presija kria kondisaun ne`ebe diak antes Aviaun ne`e hala`o nia Operasaun , hakarak informa mos katak , Ipisala , Sucu Rasa Postu Lospalos mak sei sai fatin ba kampu aviasaun iha Municipiu Lautèm.
Jornalista ; Zio
Editor ; NP
