LOSPALOS RCL VOX POPULY 06-03-2023 = Crùz Vermeila de Timor Leste Filial Lautèm , Segunda feira ne`e , hala`o Formasaun ba Juventude Cruz Vermelha Filial Lautèm hamutuk Na`in Sanolu (10) kona ba Avansadu Rè-produtiva durante Loron Tolu (3) iha Salaun CVTL Filial Municipiu Lautèm , ne`ebe hahu Segunda no sei remata iha Quarta Feira.
Formasaun loron Tolu ne`e , atu fahe informasaun ba Juventude sira hodi hatene klean liu kona ba Programa Avansadu Reprodutiva no prevene moras hada`et sira , tamba perigo ba ema nia vida.
Còrdinador CVTL Filial Lautèm Luis Manuel Pinto Ne`ebe Jornalista RCL hasoru iha nia servisu fatin segunda feira ne’e hateten , objètivu husi formasaun ida ne’e atu hasa`e juventude sira nia konhesimentu kona ba Avansadu Reprodutiva nian , hodi bele aplika ba sira nia moris lor-loron nian , nune`e juventude sira tenki tuir formasaun ne’e ho diak durante loron tolu nia laran .
‘’Formasaun ida ne`e , Ami Realiza iha Municipiu Lautèm , atu bele Hasa`e Juventude Na`in 10 ne`ebe sai Voluntàriu iha CVTL Filial Lautèm nia Koñesimentu kona ba Avansado Rè-produtiva nian , nune`e Hau husu nafatin ba juventude Sira iha Cruz Vermelha Timor Leste filial Lautèm nian hamutuk na`in 10, ne`ebe tuir formasaun ne`ebe Fasilita Direitamente husi CVTL atu sira bele kapasita sira nia matenek hodi hatene klean liu kona ba Avansadu Reprodutiva nian , hodi bele hatene klean liu kona ba moras hadaet sira, tamba moras ne`ebe hadaet ne’e perigu ba ita ema nia vida, atu nune’e juventude sira nebe mak iha ona koñesimentu ona atu bele aplika hikas iha Comunidade nia le`et no ba sira A`an rasik .‘’hateten Còrdinador CVTL Filial Lautèm Luis Manuel Pinto 06-03-2023.
Entertantu ; Formasaun durante loron Tolu ne`e CVTL realija ho diak tamba hetan Apoio Fundus husi Secretària do Estadu Juventude no Desportu ho montante osan Dolar Americanu Atus Sia ($900.00).
Jornalista:CC
Editor:NP
