LOSPALOS RCL VOX POPULY 13-03-2023 = Secrètariadu Tècnico Administrasaun Elitoral ga STAE Municipiu Lautèm to`o agora sei kontinua atende Prosesu Resensiamentu ba Elitòr Foun no Atualizasaun Baze de dadus (ABD) ba Elitòr tuan sira iha Municipiu Lautèm.
Diretòr STAE Municipiu Lautèm , Sergio Belmonte ba Jornalista RCL Segunda ne`e Informa , hahu husi Janeiro to`o agora , Parte STAE Municipiu Lautèm konsege Regista Elitòr foun Hamutuk atus Lima , Ha`at nolu resin Walu (548) no Atualiza Elitòr tuan hamutuk atus Walu Hitu nolu resin Walu (878) . nune`e dadus provijoriu Elitor Foun no Atùalizado iha Municipiu Lautèm hamutuk rihun Ida atus Ha`at , Rua nolu resin Ne`en (1.42 , nune`e mòs konsege rekolha ona Elitòr ne`ebe mate hamutuk atus Rua , Ha`at nolu resin Ida (241).
Diretòr ne`e mòs declara katak , Prosesu Resensiamento no atualijasaun baze de dadus iha Municipiu Lautèm , sei kontinua to`o loron Tolu nolu fulan Marsu Rihun Rua , Rua nolu resin Tolu (30-03-2023) , nune`e husu ba Povu ne`ebe sida`uk registu no Atualija , atu bele hakàt ba STAE no Ofisial STAE iha nivel Postu sira.
‘’ Ita hatene katak Nasaun Timor Leste sei atràvesa Elisaun Parlamentar iha tinan ida ne`e , STAE hahu Prepara Prosesu tomak , atu bele atravesa Elisaun Parlamentar , Preparasaun 1 mak oinsa STAE bele prepara ita nia cidadaun , liu husi Registu no Atualijasaun ne`ebe mak dada`un ne`e nia Postu Atendimento to`o iha nivel Postu Administràtivu, hahu husi loron 17-01-2023 to`o agora , ita konsege resensia elitor foun Hamutuk 548 no Atualiza Elitòr tuan hamutuk 878 . nune`e dadus provijoriu Elitor Foun no Atùalizado iha Municipiu Lautèm hamutuk 1.426 , nune`e mòs konsege rekolha ona Elitòr ne`ebe mate hamutuk 241, Prosesu Resensiamento no atualijasaun baze de dadus iha Municipiu Lautèm , sei kontinua to`o loron Tolu nolu fulan Marsu Rihun Rua , Rua nolu resin Tolu (30-03-2023) , nune`e husu ba Povu ne`ebe sida`uk registu no Atualija , atu bele hakàt ba STAE no Ofisial STAE iha nivel Postu sira.’’ Hateten Diretòr STAE Municipiu Lautèm , Sergio Belmonte ba Jornalista RCL Segunda 13/03/2023.
Nia mòs afirma , Brigadista hamutuk atus Ida (100) mak hetan ona Kontratu husi Inisiu Marsu , no ba dada`un ne`e , STAE mòs sei loke tan Vaga ba Ofisial Elitòra ga Poling Staff hamutuk Rihun Ida , atus Rua , Walu nolu (1.280) ne`ebe mak sei koloka iha Estasaun de Votasaun hamutuk atus Ida Sanolu resin Walu (118).
‘’ Segundu Preparasaun mak kona ba Rekursu Umanu ne`ebe sei hala`o servisu Elisaun iha Terenu mak , ita recruta ona Brigadista hamutuk na`in 100 no hirak ne`e mak hetan ona Kontratu husi Inisiu Marsu , no ba dada`un ne`e , STAE mòs sei loke tan Vaga ba Ofisial Elitòra ga Poling Staff hamutuk na`in 1.280 ne`ebe mak sei koloka iha Estasaun de Votasaun hamutuk 118. Kona ba Logistika , STAE iha Material balun ne`ebe mak ita uja iha Elisaun Prezidente , no sei ajusta balun tan iha tempu badak nia laran , hodi kompleta , STAE Liu husi Brigada no Ofisial sira sei Prepara Povu sira atu bele hatene lala`ok Elisaun nian liu husi Edukasaun Votantes.’’ Hateten nia.
Entretanto; Parte STAE sei kontinua atende Comunidade ne`ebe sida`uk Rejista ou Atualiza , nune`e husu ba Comunidade sira atu bele Hakbesik iha STAE iha Municipiu no iha Postu Administrativu sira , tamba dada`un ne`e Postu Atendimentu kontinua la`o iha Postu Administrativu sira iha Municipiu Lautèm.
Jornalista:CC
Editor:NP
