Lospalos RCL VOX POPULY 30/04/2023 = Prejidente Partidu Demokràtiku (PD) Mariano Asanami Sabino Lopes hateten , wainhira Partidu Demokratiku hetan Vitòria ihah Elisaun Parlamentar (ELPAR) tinan ida ne`e , sei Implementa Programa Espesifiku ida mak fò Krèditu ba Alunus sira hodi Eleva Kapasidade iha area Edukasaun , tamba ida ne`e nudar Programa foun no diferente husi Partidu Politiku sira hotu.
Hafaoin halo dialogu ho militante sira iha Aldeia Kuluhun Lospalos Dominggo 30/04/2023 , Prejidente Partidu ho Nùmeru Sorteio Ha`at (4) ba Jornalista sira hateten , Programa Espesifiku balun ne`ebe Partidu seluk sidauk iha mak , sei fò Krèditu ba Estudante sira , tamba Programa ne`e importante tebes ba sira , oinsa iha oportunidade atu bele kontinua sira nia Estudu .
‘’ Programa Espesifiku balun ne`ebe Partidu balun sidauk iha mak , PD sei fò Krèditu ba Estudante sira , tamba Programa ne`e importante tebes ba sira , oinsa iha oportunidade atu bele kontinua sira nia Estudu , hodi Eleva sira nia Kapasidade no matenek hodi sai Sociedade kompetetivu . Alende ne`e PD mòs sei hadia Sistema Edukasaun , Sa`ude , tamba ida ne`e nudar instrumentu ida ne`ebe fundamentu ba Estado no Nasaun hodi bao in , PD mòs sei hadia Setòr Ekonomia liu husi Dejenvolve Agrikultura , Turismu , Minarai no Petròleru tamba setòr hirak ne`e mòs sai Fundamentu ba Nasaun , no fasilita Negosiante ki`ik hodi fasil hetan osan liu husi Krèditu.’’ dehan Prejidente Partidu Demokràtiku Mariano Asanami Sabino Lopes Hafaoin halo dialogu ho militante sira iha Aldeia Kuluhun Lospalos Dominggo 30/04/2023.
Prejidente PD ne`e mòs afirma , Wainhira Partido Demokràtiku hetan fiar husi Povu iha Elisaun Parlamentar tinan Rihun Rua , Rua nolu resin Tolu , sei apoiu Joven talentu iha area Arte nian , no Rejista nasaun ba iha Google Internasional , nune`e Joven ne`ebe iha Talentu iha yutuber labele dependente ba Nasaun Vijiño sira.
‘’ Wainhira Partido Demokràtiku hetan fiar husi Povu iha Elisaun Parlamentar tinan 2023 , no kaer Governu tinan ba Oin , sei Promove Joven talentu iha area Arte nian , no Rejista nasaun ba iha Google Internasional , nune`e Joven ne`ebe iha Talentu no kriativu iha yutuber labele dependente ba Nasaun Vijiño sira, tamba durante ne`e Yutube no Kanta ne`ebe Joven sira halo , fò benefisiu ba Nasaun Indonesia , tamba Yutub ne`e ita Regista husi Indonesia , ne`e duni ita presija hadia buat sira ne`e hotu atu bele fo retornu ba Joven talentu no Kriativu sira iha Nasaun ida ne`e , ami mos sei hare ba Setòr Sosial liu-liu ba Mestre no Profesional Sa`ude sira atu labele servisu ho kontratu , maibe tengki permanente.’’ katak Lider Màsimu PD.
Entretanto; Hafoin Dialogu iha Aldeia Kuluhun , Suku Fuiolru , Posto Administrativu Lospalos , Munisipiu Lautèm , Partidu ho Nùmeru Sorteio Ha`at(4) ne`e hala`o Kampaña Komisiu Nasional iha Eis Kampaun Militar Indonesia (745) , no hetan Observasaun husi CNE no Observador Nasional sira seluk , no hetan seguransa husi PNTL Munisipiu Lautèm.
Jornalista ; Ever
Editor ; NP
