Lospalos RCL VOX POPULY 08/05/2023 = Administrador Munisipiu Lautèm , Domingos Xàvio Segunda Feira ne`e ne`e hateten , Munisipiu Lautèm sei la selebra Loron Nasional , 20 de Maio Tinan ida ne`e , tamba loron ida ne`e , hanesan loron Distribuisaun Material Sensitivu no la Sensitivu Elisaun Parlamentar husi Munisipiu ba Sentro Votasaun ne`ebe estabelese ona.
Iha nia Kna`ar fatin , Autoridade Munisipiu ne`e mòs hateten , Bajèa ba Orientasaun Ministro Administrasaun Estatal katak , Komemorasaun loron Rua nolu Fulan Maio Tinan ida ne`e , kontinua Selebra maibe ho Simplesmente , tamba kada Munisipiu sei konsentra ba Atìvidade , STAE nia ba Serimonia Distribuisaun Material , Sensitivu no la Sensitivu ba kada Sentro Votasaun sira ne`ebe estabelese ona.
Aman ba Munisipiu Lautèm ne`e mòs akresenta tàn , Komemorasaun Aniversáriu Restaurasaun Independênsia RDTL nian – 20 Maiu 2013 ba dala Sanolu resin ida ne`e , Munisipiu Lautèm sei la selebra ho Atìvidade bo`ot , maibe somente selebra ho Misa Agradesimento no Isàr no Areàr da Bandera RDTL iha Aredor Administrasaun Munisipiu Lautèm
‘’ Ita hatene katak , Prejidente da Repùblika Dekreta ona loron Elisaun nian , nune`e Ministro Administrasaun Etatàl , fò ona Orientasaun ba kada Munisipiu sira atu konsentra ba Atìvidade Orgão Elitoral sira (STAE no CNE) ba serimonia Distribuisaun Material sensitivu no la sensitivu iha loron 20 Fulan Maio 2023 , ho Orientasaun ida ne`e , Munisipiu Lautèm sei la halo Selebrasaun ne`ebe bo`ot hodi Festeja loron Aniversáriu Restaurasaun Independênsia RDTL nian – 20 Maiu 2013 ba dala Sanolu resin ida ne`e , maibe organija de`it Atìvidade Misa Agradesimento iha loron 29 no Serimònia Isàr no Areàr da Bandeira RDTL iha loron 20/05/2023 iha Aredor Administrasaun Munsipiu Lautèm Tuku 7 : 30 , hafoin Serimònia Isàr Bandera , Autoridade Munisipal nian , sei asisti Serimonia Distribuisaun Material Elisaun nian ba Sentro Votasaun sira , no kona ba Areàr Bandera RDTL lokraik nian , PNTL mak sei halo ida ne`e , Maske ita iha Munsipiu iha ona Planu Atividade ba loron komemorasaun ida ne`e , maibe tamba tempu ne`ebe Aperta malu ho Elisaun Parlamentar entaun ita kasela hotu bajea ba Orientasaun sira.’’ Hateten Administrador Munisipiu Lautèm , Domingos Xàvio Iha nia Kna`ar fatin Segunda 08/05/2023.
Entretanto , Maske Serimònia Komemorasaun loron Aniversáriu Restaurasaun Independênsia RDTL nian – 20 Maiu 2013 ba dala Sanolu resin Ida ne`e , Administrasaun Munisipiu Lautèm la mobilija Povu tomak atu festeja , maibe ita sei selebra Loron Nasional sira seluk tuir mai ho diak liu tan , hodi Divere Povu tomak iha Munsipiu Lautrèm.
Jornalista ; Zio
Editor ; NP
