LOSPALOS RCL VOX POPULY 11-05-2023 = Prejidente Asosiasaun Feto Lautèm (AFEL) Munisipiu Lautèm Husu ba Feto sira iha munisipiu Lautèm , atu bele Partisipa iha Festa Demokrasia , tamba Festa ida ne`e hanesan Festa Popular , ida ne`ebe akontese kada tinan Lima , ho Direita , Livre no Segredo .
Ba Jornalista RCL Prejidente AFEL Munisipiu Lautèm , Maria Ligia de Fatima hateten , Elisaun Parlamentar ne`ebe sei akontese iha Loron 21 Fulan Maio Rihun Rua , Rua nolu resin Tolu ne`e , hanesan Elisaun Jeral ne`ebe Ema hotu iha Direito atu bele Ejerse nia Votu hodi bele lori Dejenvolvimento ba Povvu no Nasaun Timor Leste.
Nia mòs Apela ba Feto Lautèm , atu bele Vota ho Konsensia , hodi halo analija ba programa Partidu Politika sira ne`ebe hato`o liu husi Kampaña Elitoral iha Munisipiu Lautèm no iha Territòriu Timor Leste , hafoin fò Votu , tamba Votu ida bele lori Dejenvolvimento ba Rai no Povu Timor Leste , nune`e ida-idak tengki ba Vota ho Konsiensia .
‘’ Liga ho Elisaun Jèral ne`ebe sei akontese iha loron 21/05/2023 ne`e , hau Apela ba Hau nia Feto Maluk sira iha Munisipiu Lautèm ,katak Elisaun Jèral ida ne`e sai nudar Determinasaun id aba Prosesu Dejenvolvimento Nasaun nian , ne`eduni ita Feto nudar sidadaun ida ne`ebe hanesan Votante no Elitòr ida iha Nasaun Demokràtiku ida ne`e iha Direito Atu ejerse ita nia Direitu ida ne`e , liu husi ita nia votu iha Elisaun Jèral ida ne`e , Partidu Politika nia Programa ne`ebe hato`o liu husi Palku Politika , ida ne`e Direito de Espresaun ne`ebe sira hato`o , Maske ita iha Diverjensia Politika nia laran , maibe Hau konvida ita hotu atu bele Partisipa iha Elissaun Parlamentar ne`ebe sei mai , hodi Vota ho konsensia no Vota ba Futuru Nasaun ne`e nian .’’ Hateten Prejidente Asosiasaun Feto Lautèm (AFEL) Munisipiu Lautèm ba Jornalista RCL Segunda 8/05/2023.
Husi Sorin Seluk Feto Idoja ida iha Munisipiu Lautèm Josèfina Da Costa Hornay hateten , Nia parte sei Ejerse ni Direitu de Votu liu husi Elisaun Parlamentar , tamba ita nia Votu sei lori Futuru Nasaun Timor Leste , no sai Determinasaun ba Prosesu Dejenvolvimento Nasaun nian.
‘’ Maske hau Feto Idoja ida , maibe hau sei Esforsu hodi Partisipa iha Festa Demokrasia ne`ebe sei mai , Hau mòs pronto ona atu Ejerse hau nia Direitu nùdar Feto ida iha Lautèm , hodi Hili no Fihir ida ne`ebe mak nùdar hau nia Figura, hau sei Vota ho Konsiensia , ne`eduni husu ba hotu-hotu atu bele kontinua Kria Pàs no Estabilidade , iha loron Elisaun , atu nune`e ami bele Vota Direita ho Livre no Segredu , tamba nudar sidadaun ida iha Direito hodi moris iha ambiente ne`ebe Pàs no Estabilidade.’’ Hateten Josèfina Da Costa Hornay.
Entretanto; Povu Lautèm Prontu ona atu , Festeja Festa Demokrasia liu husi Elisaun Parlamentar , tamba Elisaun ida ne`e nudar festa popular ida ne`ebe akontese kada tinan Lima iha Nasaun Demokràtiku ida ne`e . ba sidadaun hotu ne`ebe iha ona Direito atu Tuir Elisaun
Jornalista:Silisi
Editor;NP
