Lorè RCL VOX POPULY 21/05/2023 = Povu , Lautèm Sente Orguilho no kontente , ho Festa Demokràsia ne`ebe la`o ho Livre , Pàs no Estabilidade , tamba liu husi Elisaun Parlamentar ba tinan ida ne`e , Povu rasik bele Vota ho konsensia , Livre , Pàs no Estàbilidade.
Komunidade ida iha Aldeia Horolata , Suku Lorè Primeiru , Postu Administràtivu Lorè , Munisipiu Lautèm Reinaldo Noel ba Jornalista RCL Dominggo ne`e hateten , nia Parte sente Orguilho no Kontenti , tamba Festa Demokràsia ne`ebe la`o iha rai laran , la`o ho Pàs no estabilidade nia laran , tamba Povu bele Ejerse sira nia Votu tuir sira nia konsensia rasik .
Reinaldo Noel mòs deklara , nia parte sente Orguilu ho Elisaun Parlamentar ida ne`e , tamba liu husi Elisaun ne`e , ita bele Lori Reprejentante Povu nian ba Uma Fukun Parlamento , no bele mòs bele fò ita nia Votu ba Nasaun no Povu nia Dezenvolvimento .
‘’ Hau Sente Orguilho ho Prosesu Elisaun husi Inisiu to`o mai iha Loron Elisaun , hahu Husi Kampaña Politika husi Partidu sira , to`o mai iha Loron Elisaun ohin nian , la`o ho hakmatek , tamba Povu sira hatudu Maturidade no hanoin ne`ebe diak hodi kontribui ba Nasaun ida ne`e liu husi dalan Demokràsia , nune`e Povu bele sente Moris duni iha Nasaun Demokràtiku ,liu husi Elisaun ida ne`e mòs ita bele hili no desidi Governu Foun hodi Dezenvolve Povu no Nasaun ba Tinan 5 oin mai . Ami husu ba Reprejentante Povu nian ne`ebe hetan konfiansa husi Ami , atu bele lori ami nia lian tuir Lei no tuir Kreda nia fiar , tamba ami Povu hahu Konsiente ho Sistema Demokràtika ne`ebe durante ne`e la`o Buras iha rai Doben ida ne`e , no Partidu ne`ebe ami sei hetan Votu Konfiansa husi Povu , tengki Liberta duni Povu husi terus no Kiak , tamba Povu nia hakarak mak Dezenvolvimento , liu-liu Infrastrutura Estrada nian , Iha Oportunidade ida ne`e hau nùdar Povu , husu ba Governu foun ne`ebe mai , atu hala`o nia servisu ho diak , tamba ami Povu sei tau fiar bai mi ne`ebe sei lidera Governo da Sia nian.’’ Hateten Komunidade ida iha Aldeia Horolata , Suku Lorè Primeiru , Postu Administràtivu Lorè , Munisipiu Lautèm Reinaldo Noel ba Jornalista RCL Dominggo 21/05/2023
Iha fatin hanesan , Belarmino dos Santos hateten , Elisaun Parlamentar nùdar Festa Demokràsia ida ne`ebe kada tinan Lima , Povu Festeja liu husi Ejerse Direito de Votu , nune`e Povu mak iha Direitu , atu Determina Futuru Nasaun no Povu durante tinan Lima oin mai, liu husi Elisaun Parlamentar.
‘’ Hau hanoin Elisaun Parlamentar ne`e nùdar Festa Demokràsia ida ne`ebe Povu sempre Festeja liu husi Ejerse sira nia Direitu de Votu , iha kada Sentrro Votasaun ne`ebe , Orgão Elitoral Estabelese ona , tamba ho Elisaun mak Povu bele Determina Futuru Povu no Nasaun nian , durante Tinan 5 Oin mai , ita hotu hein Rejultado Elisaun , Partidu ne`ebe mak sai Vensedor hodi Forma Governu da VIIII sira hanesan Servidor Povu no Nasaun , no sira bele tau matan ba Problema Povu nian , liu husi Komprimisiu Elitoral ne`ebe hato`o iha Palku Politika durante Fulani da nia Laran iha teritoriu Timor Leste nia laran tomak , tamba fo fiar ona sira , atu bele lidera nasaun ne`e , tengke hare mòs ba Povu no Nasaun nia Moris diak.’’ Hatete Belarmino.
Entretanto ; Elisaun Parlamentar husi Inisiu to`o iha Prosesu Kontajen iha Nivel Sentro Votasaun iha Sentro Votasaun Ne`en iha Postu Administrativu Lorè Munisipiu Lautèm , la`o ho Diak no laiha Problema , tamba Povu hatudu duni sira nia Maturidade diak , no sei Simu Rejultadu Elisaun ho Domin no Pàs .
Jornalista ; Ano
Editor ; NP
