LOSPALOS RCL VOX POPULY 20/05/2023 = Atu halo Susèsu Elisaun Parlamentar Iha Terrènu , ida-idak tengki Servisu tuir ida-idak nia Knàr , Orgão Elitoral , Parte Seguransa PNTL no F-FDTL , ofisial Elitoral ,Observador no Fiskais , tengki hala`o sira nia knàr ida-ida , atu nune`e Elisaun bele la`o iha Trankuilidade nia laran .
Administrador Munisipiu Lautèm , Domingos Sàviu liu husi Serimonia distribuisaun Material sensitivu no la sensitivu Elisaun Parlamentar iha Gimnajiu Lospalos Sabado 20/05/2023 ne`e hateten , nia parte labele Esplika ida-idak nia Knàr , maibe ida-idak hatene ona nia servisu , tamba ita hotu Presija Elisaun Parlamentar bele la`o ho diak , no trankuilu nia laran , tamba Elisaun ida ne`e hanesan Desijaun Dejenvolvimento Nasaun nian husi Povu Timor Leste , liu-liu iha Munisipiu ida ne`e.
‘’Hau labele Esplika ida-idak nia Knàr no Responsabilidade , tamba Instituisaun hotu-hotu ne`ebe hola parte ba Prosesu Elisaun ida ne`e hatene ona nia Knàr , Nune`e Parte Polisia , F-FDTL , Brigadista CNE , Observador , Fiskais no Povu tomak sei hala`o ida-idak nia Knàr , hodi bele halo Susesu ba Elisaun Parlamentar nian , ita hotu-hotu tengki asegura situasaun Elisaun nian iha Terrènu , tamba Ema hotu iha Knàr no responsabilidade ne`ebe bo`ot , tamba Elisaun ida ne`e ita hotu nian , ita mak sei Desidi Dejenvolvimento ba Rai no Nasaun ida ne`e , ne`eduni , ita presija hamutuk hodi Festeja Festa Demokràsia ho Pàs no Estabilidade nia laran , liu husi Komunikasaun , Koperasaun Servisu.’’ hateten Administrador Munisipiu Lautèm , Domingos Sàviu liu husi Serimonia distribuisaun Material sensitivu no la sensitivu Elisaun Parlamentar iha Gimnajiu Lospalos Sabado 20/05/2023.
Iha fatin hanesan Komisariu Comisaun Nasional dos Elisões (CNE) Olavio da Costa Monteiro Almeida hateten , Ema hotu ne`ebe mai hamutuk iha fatin ida ne`e , ho konviksaun ida katak ita nia hamutuk sei fò Susesu ba Elisaun Parlamentar , liu husi Asegura Material Elisaun nian to`o iha nia Fatin , no kontinua asegura Elisaun hodi bele la`o ho Susesu .
‘’ Ita hotu ne`ebe mai marka Prezensa iha Fatin ida ne`e , Parte PNTL , F-FDTL , Reprejentante Partidu Politika , STAE no CNE ne`e mai konviksaun ida katak ita nia hamutuk sei fò Susesu ba Elisaun Parlamentar , liu husi Asegura Material Elisaun nian to`o iha nia Fatin , no kontinua asegura Elisaun hodi bele la`o ho Susesu . Ohin loron hanesan Àktu ida ne`ebe Solene , Importante no Àktu ida ne`ebe bele dehan Elitoral , ne`ebe ita hotu iha Responsabilidade no Konviksaun , oinsa atu bele asegura sasan sira ne`e to`o iha Sentro Votasaun ida-idak , no hamutuk nafatin ita asegura Elisaun Parlamentar bele la`o ho Pàs no Estabilidade.’’ Hateten Komisario CNE.
Entretanto Hola Parte iha Serimonia Distribuisaun Material Sensitivu no la Sensitivu Elisaun Parlamentar ne`e , mak Parte Seguransa PNTL no F-FDTL , Autoridade Munisipal , Orgão Elitoral hanesan STAE no CNE , Reprejentante Partidu Politika no Entidade tomak iha Munisipiu Lautèm.
Jornalista;Linda
Editor;NP
