RASA LOSPALOS RCL VOX POPULY 29-05-2023 = Maske Fasilidade , hanesan Bikan no Kanuru la sufisiente ba Estudante Sira , maibe Ensinu Bajuku Central Adão Cristovão Larimasa Rasa Lospalos , kontinua Implementa Programa Merenda Eskolar , tuir Menu ne`ebe iha , no Merenda Eskolar ba Tinan ida ne`e diferente ho tinan hirak liu ba , tamba Nùmeru Osan kada alunus hahu Aumenta.
Estudante Ensinu Bajiku Central Adão-Cristovão Larimasa, Raca Lospalos Osmenia Teles ne’ebe jornalista RCL hasoru iha EBC Adão-Cristovão Larimasa , Rasa Lospalos Segunda ne`e hateten , nia parte sente kontente , tamba Menu ba Programa Merenda Eskolar ne`e Diferente ona ho Tinan hirak liu ba , tamba Menu ba tinan ida ne`e diak no nutritivu .
‘’Hau sente kontete , tamba Menu ba Programa Merenda Eskolar , iha ami nia Eskola ne`e diferente ona ho tinan hirak liu ba , hahan ne`ebe ami konsumu iha ami nia Eskola ne`e tuir duni Menu , no hotu-hotu Produtu rai laran nian , no ami sente hahan ida ne`e nutritivu , Menu ne`ebe mak Ami han iha eskola ne’e diak ba Ami nia saude , tamba modo sira ne’ebe mak ami han kada loron sempre troka malu hela mak hanesan Brijela ,Repolho na’an ,ikan no modo sira seluk tan ‘’.Dehan Osmenia Teles
Iha fatin hanesan Estudante Jinalton de Jesus Lobatu mos hateten, sira kontenti ho Programa Merenda Eskolar ne`ebe , dada`un ne`e Implementa iha Eskola , tamba bele fò aihan ne`ebe diak , no halo Estudante sira , iha Vontade atu Estuda.
‘’ sira kontenti ho Programa Merenda Eskolar ne`ebe , dada`un ne`e Implementa iha Eskola , tamba bele fò aihan ne`ebe diak , no halo Estudante sira , iha Vontade atu Estuda , Hahan merenda ne’ebe mak Ami konsumu iha eskola ne’e hau sente diak los ba ami , tamba hahan iha etu no modo barak no bele halo ami bosu lalais , no tuir duni menu programa Merenda eskolar nian ‘’.hateten Jinalton De Jesus lobato
Iha sorin seluk Xèfi Grupo ba Programa Merenda eskolar iha Eskola Adão-Cristovão Larimasa, Raca Lospalos Ximões Sera Silveira mos hateten , programa merenda eskolar ne’ebe mak implemta iha eskola refere tuir lista Menu programa nian , no total orsamentu ba programa merende eskolar ba Loron sanolu nian hamutuk rihun Ida atus Lima Nen nolu resin Hat , Centavus Lima nolu ,($1.564.50) ne’be ejekuta ba total alunus hamtuk atus Hat , Tolu nolu resin Tolu.
Alende ne’e Xèfi de Grupo ne’e mos hateten fasilidade sira ne’be mak mak durante ne’e ladun sufisinete ba estudante sira ,wainhira konsumu hahan merenda mak hanesan bikan no kanoru, ho nune’e estudante sira tenki hein malu .
‘’ Programa merenda eskolar ne’ebe mak Ami implemta iha Eskola Adão-Cristovão Larimasa, Rasa Lospalos ne’e tuir lista Menu programa nian , tamba segunda feira, labarik estudante sira bele han etu ,na’an , koto fehuk ropa koto no hudi , ba tersa feira ,labairik sira bele han fali ,etu ,mantulu ,tomate no modo tahan , ba quarta feira ,labarik sira bele han etu,fehuk ropa ,senhora ikan maibe ikan laiha entaun ami bele troka ho Na`àn manu Local, ba Quinta feira labarik sira bele han fali na’an ,fehuk ropa,modo tahan no hudi no ba sesta feira labarik sir abele han fali ,etu ,mantolu ,tomati,tempe no tahu ,no total orsamentu ba programa merende eskolar ba Loron sanolu nian hamutuk $ 1.564.50) ne’be ejekuta ba total alunus hamutuk 433 ,alende ida ne’e Ami mos Menus kanoru no bikan wanhira labarik sira sira konsumu merenda ho nunee labarik sira tenki hein malu’’. Hateten Ximones Sera Silveira
Enetrtantu ho prekupasaun hirak ne`e , nia parte hato’o ona ba Diretòr Eskola nian , no hatutan ona ba Servisu Munsipal Edukasaun Juventude no Desportu to`o iha Ministèriu , maibe to`o agora sida`uk iha resposta ne`ebe Pojitivu .
Jornalista;Linda
Editor;NP
