Bauro Lospalos RCL VOX POPULY 01/06/2023 = Durante Tinan Barak nia laran , Komunidade ne`ebe hela iha Aldeia Nanafoe no Somòtxo , Suco Bauro , Postu Administrativu Lospalos , Munisìpiu Lautèm , Kontinua Halerik ba Be`e Mòs , tamba Atu hetan Hetan Be`e Mòs Presija La`o kuaje Kilometru ida mak foin Asesu.
Komunidade ida iha Aldeia Somotxo Suku Bauro Marzita de Jejus ba Jornalista RCL iha ni Rejidensia Quinta Feira ne`e hateten,durante tinan barak Ona , Komunidade iha Aldeia refere , kontinua halerik ba Be`e Mòs , hodi nune`e Sira la`o dòk mak asesu be`e mos ,nune`e mòs Wainhira Be`e refere Maran , sira la`o to`o iha Aldeia Sepelata ho distansia Kilometru Ida hafoin Hetan , be`e se la`e sira buka Be`e Posu hodi Kuru.
‘’Ami nia Aldeia Somotxo ne`e durante tinan barak nia Laran , Susar ba Ami atu asesu Be`e mòs ho besik , maibe ami tengki la`o dòk hafoin hetan be`e , dala ruma mòs Ami la`o ba lalin be`e iha Aldeia Sepelata nian ho Distansia Kilometru 1 , se la`e sira buka Be`e Posu ne`ebe Merak hodi Kuru ba sira nia nececidade , ne`eduni hau Husu ba Estadu karik bele , bele halo Kanalijasaun be`e mòs iha Komunidade nia le`et , hodi hafasil Komunidade atu asesu ho diak.’’ Hateten Komunidade ida iha Aldeia Somotxo Suku Bauro Marzita de Jejus ba Jornalista RCL iha ni Rejidensia Quinta 01/06/2023.
Husi Aldeia Nanafoe Komunidade Asio Viana mòs hateten , iha Aldeia Refere Be`e Iha , maibe , Komunidade Atu kuru ne`e mak presija hein malu , tamba be`e tun ho Volume ki`ik , nune`e Difikulta ba Labarik sira atu Haris ba Eskola tuir Oras , Nune`e Husu ba Estadu Atu bele tau matan ba Problema ida ne`e , tamba laiha be`e sei laiha Moris.
‘’Ami iha Ne`e Be`e Iha , Maibe Suli oituan de`it , wainhira ami atu Kuru , entaun ami presija hein malu , to`o oras 1-2 Mak foin ida Kuru nianian fali , ami nia be`e ne`e uluk kontrui iha Tinan 2004 husi Agensia Korea nian no kanalija ba Aldeia Nanafoe tomak , ami mos tengki tau osan hamutuk hodi Selu Ahi Eletrisidade , se lae ami Sosa Solar , hodi hamoris Gerador hafoin bele Supa Be`e husi Tornera ba Komunidade sira, Nune`e Husu ba Estadu Atu bele tau matan ba Problema ida ne`e , tamba laiha be`e sei laiha Moris.’’ Hateten Asio Viana.
Iha Fatin Hanesan Alsina dos Santos no Sidalia da Costa mos hateten , Sira kontente wainhira Estado bele tau atensaun ba Problema be`e iha Aldeia Refere , Maske Be`e ne`e iha , Maibe la sufisiente , tamba Be`e nia Forsa hahu Menus ona , no Intupidu iha Paralon ne`ebe sira Uja hodi kanalija Be`e , ne`eduni husu ba Estado karik iha Posibilidade bele Ajuda Hadia Sistema Kanalijasaun Be`e mòs iha aldeia Refere ho Kanu Besi , nune`e Komunidade sira bele asesu ho diak.
‘’Ami Sente kontente Wainhira Estadu Lolo liman ba Ami Komunidade Aldeia Nanafoe , hodi bele hadia Sistema Kanalijasaun Be`e Mos nian iha ami nia Aldeia , Ami nia Be`e Iha maibe nia Forsa hahu Menus , Kuandu Komunidade Asesu iha Sorin , entaun Sira seluk iha sorin la bele asesu ona , tamba Kanalijasaun ne`ebe iha ne`euja Paralon ne`ebe dala ruma Be`e nia Foer ne`e Intupidu ona , nune`e Be`e nia Suli la forsa ona , nune`e ami husu ba Estado karik iha Posibilidade bele Ajuda Hadia Sistema Kanalijasaun Be`e mòs iha aldeia Refere ho Kanu Besi , nune`e Komunidade sira bele asesu ho diak , tamba Ami nia Oan Sira ba Eskola dala Ruma tarde , tamba hein Be`e hodi haris.’’hateten Alsina dos Santos no Sidalia da Costa.
Entretanto; Be`e Nùdar Nececidade Bazicu no Importante ba Ema nia Moris , tamba ho Be`e mak , ema hotu bele hetan Sa`ude diak , no bele fasilita Animal no Aihoris sira ne`ebe mak Komunidade sira iha , ne`e duni Estadu Tengki Tau matan.
Jornalista ; SdC
Editor ; NP
