Lospalos RCL VOX POPULY 14/06/2023 = Saudozu Nuno da Costa , Nùdar Sergentu Polisia Nasional Timor Leste , Munisìpiu Lautèm ho Nùmeru Id ; 12451 husi Lisan Txailoru , Moris Iha Lospalos ,Loron 12 -12-1976 , Husi Aman Manuel da Costa no Inan Albina Rosa dos Santos, Saudozu nia Kaben ho Naran Arlinda Barbosa dos Santos , no Na`in Hara`ik Oan nain 5 Mane :nain 3 no Feto nain 2 mak ; Epifania Barbosa dos Santos , Elviano Leti Fernandes , Efrem Nuno Fernandes , Epifanio Telu da Costa no Edna Barbosa dos Santos , hela iha Aldeia Bemoris ,Suku Fuiloru ,Postu Administrativo Lospalos , Munisìpiu Lautèm .
Matebian Saudozu Sergentu Polisia hahu , tama nia Edukasaun Nivel Primaria Husi tinan 1985-1991,iha Escola Primaria iha Laulara-Munisipio Aileu , no Iha tinan 1991-1995 Sadozu kontinua Escola ,iha Escola Pre-Secundaria Pùbliku ,iha Munisipio Aileu , Saudozu Kontinua nia Eskola Nivel Secundaria Jeral Iha tinan 1995 -1998 ,Iha Escola Secundaria Publico Numeru ida Aileu,iha Munisipio Aileu.
Durante Saudozu , hala`o nia Jornada Moris iha Mundu ne`e , Saudozu hetan Kursu no kapasitasaun no Promosaun iha Institusaun PNTL , liu husi Treinamento Bàzico Polìsia Nasional de Timor Leste , Turno 42 iha loron 14 fulan Dezembro tinan 2002, iha Centru Formasaun da PNTL Comoro Dili , no akaba nia kursu ho Rejultadu Kompetente ,hodi hala’o kna`ar nudar membru PNTL , hahu iha loron 15 fulan dezembro tinan 2002 Komando PNTL Munisipio Lautèm. Iha fulan agustu tinan 2009, Saudozu tuir Treinamentu badak kona ba uza Forsa durante loron 10 ho rejultadu kompetente. Iha fulan Novembru tinan 2011,Saudozu tuir kursu badak kona ba Investigasaun Criminal husi UNPOL hò rezultadu kompetente. Iha tinan 2022 Saudozu tuir kursu badak kona ba Jornalista iha Munisipiu Baucau durante loron 5 ho rejultadu kompetente. Iha fulan Marsu tinan 2023 saudozu tuir Treinamentu badak kona ba Uza Forsa durante loron 5 iha Komando PNTL Munisipio Lautèm ho rejultadu kompetente.
Saudozu Sergentu Polisia Nunu da Costa hahu Envolve iha Prosesu Funu Libertasaun Nasional ho Idade Ki`ik , iha tinan 1976 Saudozu hamutuk ho inan aman no nia Feton sira evakua ba ai-laran no hatutan ba foho Matebian Munispio Baucau to’o tinan 1979 , hafoin tun hikas hodi halai tutan iha ai-laran iha are Lorè. Iha tinan 1980 Saudozu Hamutuk ho nia Inan Aman Militar Indonesia Kaptura hamutuk ho nia feton Joanina Rosa dos Santos iha Postu Administrativo Lorè , Munisìpiu Lautèm . Iha tinan 1987 Saudzu desloka ba Kapital Dili hamutuk ho nia Aman Sarani ba Laulara , Munisìpiu Aileu , no hahu nia Bangku Edukasaun , husi Nivel Primaria to`o Secundaria Jeral. Iha tinan 1999 Soudozu muda husi Laulara Munisipio Aileu mai iha Lospalos Munisipio Lautèm.
Servisu ne`ebe Saudoz Hakna`ar ba Durante Ukun Àn nia laran mak , Iha fulan dezembru tinan 2002 saudozu hahù hala’o kanr nudar Membru PNTL,iha Munisipio Lautèm ho kolokasaun sira maka hanesan: Durante semana 2 nia laran hala’o servisu iha Komandu PNTL Munisipio lautèm ho Postu Agente Recruta . Iha fulan Dezembru tinan 2002,Saudozu tansfere ba Sub-Seksaun Informasaun PNTL Munisipio Lautèm Nu’udar membru ho Postu Agente Rekruta. Iha fulan Agostu tinan 2003,Saudozu transfere ba Centru Operasaun komandu PNTL Munisipio Lautèm nu’dar membru ho Postu Agente Recruta. Iha fulan Agustu 2004, Saudozu transfere ba Seksaun Patrullamentu (Taks Force) Komandu PNTL Munisipio Lautèm ,nu`udar membru ho Postu Agente. Iha fulan Dezembru tinan 2003 ,Saudozu hetan Promosaun husi Agente Recruta ba Postu Agente. Iha fulan Jeneiru tinan 2008 Saudozu hetan nomeasaun nudar Adjuntu Xefe Seksaun Task Force (Forsa Reserva )Komandu PNTL Munisipio Lautèm hò Postu Agente . Iha fulan Marsu tinan 2010 Saudozu hetan promosaun Postu husi Agente ba Postu Agente Xefe. Iha fulan Outubru tinan 2015,Saudozu hetan transferensia husi Seksaun Forsa Reserva ba Sub-Sekasaun Komunikasaun (DOC) Komandu PNTL Munisipio Lautèm,hò Postu Agente Xefe. Iha fulan Abril tinan 2019,Saudozu hetan transferensia husi Sub-Seksaun Komunikasaun (DOC) Sub-Seksaun Personalia ba Sub –Seksaun Polisia Komunitario Komandu PNTL Munisipio Lautèm hò Postu Agente Xefe,to’o Hakotu nia i’is. Iha loron 10 fulan juñu 2023 Saudozu hetan Promosaun ba Titulu Pòstu ,husi Postu Agente Xefe ba Postu Sargentu.
Durante Saudozu Hakna`ar iha PNTL Munisìpiu Lautèm , Saudozu Nuno da Costa Hetan Louvor ga Kondekorasaun , Medalha Operasaun konjuntu hanaran Operasaun Hanita. Medalha Kompostamentu Exempalar tinan 8 husi Komandu Geral PNTL . Saudozu mòs Hetan Sertifikadu kona –ba Partisipasaun Korpu icar da Bandeira , husi Administrador Munisipio Lautèm. Alende ne`e Saudozu mòs Hetan Sertifikadu Agradesimentu ,husi Komandante PNTL Munisipio Lautèm , kona ba Seguransa Kampaña no Elisaun Presidensial no Parlamentar iha 2017.
Saudozu Nuno da Costa durante nia Servisu iha Instituisaun PNTL nia laran ,hatudu Espiritu de servisu ne`ebe bo`ot no diak,iha nafatin korajen no kolaborasaun diak hò membru PNTL hotu-hotu,ne`ebe hala`o kna`ar ihaMunisipio Lautèm ,nune halo familia bo`ot Instituisaun PNTL Munisipio Lautèm sente lakon ,Sargentu diak ida iha Komandu PNTL Munisipio Lautèm nia le’et.
Iha Loron 7 Juñu 2023 , Saudozu ,Saudozu sei iha kondisaun diak hodi halao’o knar no fo formasaun ka Treinamentu ba struktura KPK iha suku Kom Postu Administrativo Lautèm. Iha loron ne`e kedas Maizumenus tuku 15:37 OTL ,saudozu hetan Atakasaun Derepente , nune`e ninia maluk sira ajuda ho kareta Estadu transporta husi suku Com postu Administrativo Lautèm , mai iha Centru saude lospalos ba interese traramentu medico. Tamba Saudozu nia kondisaun grave liu nune`e iha tuku 17:00 OTL Parte Sentru Sa`ude Lospalos Transfere Saudozu ba ne`ebe akompaña husi Membru PNTL balun ba Òspital Referal Baucau hodi halo Tratamentu Intensivu iha Òspital refere. Durante loron 2 husi loron 8 to’o 9 fulan Juñu 2023 Komandante PNTL Munisipio Lautèm oriente Xefe Seksaun Reserva Intervensaun Rapida ho membru sira ,ba iha hospital Referal Baucau , hodi akompaña nafatin saudozu nia kondisaun iha Hospital Referal Baucau , ho Esforsu ne`ebe Maluk PNTL sira hamutuk ho familia Saudozu halo durante iha Òspital Referal Baucau , ho Rejultadu Mamuk , tamba Saudozu hahu hakotu nia Jornada Moris nian hodi fila hikas ba Aman Maromak nia Kadunan Santu iha Loron 10/06/2023 maizumenus Tuku 10:00 OTL , hafoin familia hato’o informsaun ba xefe Operasaun PNTL Munisipio Lautèm,no hatutan ba Komandante PNTL Munisipio Lautèm hodi relata ba Komandante Geral PNTL.
Iha loron 10 /06/ 2023 Komandante PNTL Munisipio Lautèm Orienta Xefe Seksaun Reserva Intervensaun Rapida ho membru desloka ba hospital Referal Baucau hamutuk ho familia,hodi akompaña Saudozu nia isin mate , husi Hospital Referal Baucau, ho Karru Funerario mai iha saudozu nia Rezidensia iha Aldeia Bemoris, Suku Fuiloru,Postu Administrativo Lospalos Munisipio Lautèm. Iha Tersa feira,loron 13 fulan juño tinan 2023,Ofisial Sargentu No Agentes PNTL Komandu Munisipio Lautèm halao Serimonia Parada military ,hodi halo Promosaun Titulu Postu ba Saudozu husi Agente Xefe ba Postu Sargentu,iha Saudozu nia Rezidensia iha Aldeia Bemoris,Suku Fuiloru,Postu Administrativo Lospalos, no iha Quarta Feira Loron 14 fulan juñu tinan 2023,iha Tuku 9 lolos ,familia bo`ot Saudozu Sargentu Nunu da Costa no familia bo`ot Instituisaun PNTL Komandu Munisipio Lautèm,halibur hamutuk hodi halo seremonia funeral no fo homenagen ikus ba saudozu Sargentu Nuno da Costa ,iha nia hela fatin ikus Semiterio Cauto,Aldeia lospala Suku Fuiloru,Postu Administrativo Lospalos .
Maun no Belun Diak , Adeus , Ita nia Espiritu sei akompaña ami Familia Oan Ki`ak no Feto Faluk , nune`e mòs Familia bo`ot Institusaun PNTL nian tomak , no O nia Espiritu sei Nabilan ba nafatin iha reino lalehan nian . Amen
Texto ; PNTL MUNISIPIU LAUTEM
Editadu Texto ; RCL VP
