LOSPALOS RCL Vox POPULY 12/07/2023=Uma Eskola Ensinu Baziku Filial EBF Nùmeru Rua Lospalos Unidade ida ho Sala tolu , ne`ebe Konstrui iha Tinan kotuk , dada`un ne`e Utilija ona ba prosesu Ensinu Aprendijajen iha loron Lima Fulan Maiu liu ba , tamba Konstrusaun Uma eskola ida ne`e remata no Inagura iha Fulan Abril nia laran .
Córdinador Eskola Saturninu de Castru ba Jornalista RCL iha nia Knár fatin Quarta ne`e hateten , Maske Preparasaun fasilidade kadeira no meja ba projetu komunitario iha EBF no 2 lospalos sida`uk ba sala tolu maibe Parte eskola sente kontente tamba bele utilija ona sala eskola refere ba estudante sira hodi tuir prosesu aprendijajem ho diak.
Còrdinador Eskola ne`e mòs hateten , konstrusaun projetu komunitario iha EBF Numero Rua lospalos ne’e inagura iha loron hat fulan April Tinan Rihun rua rua nolu resin tolu , no utilija ba prosesu aprendijajem iha loron lima fulan Maio Tinan Rihun rua nolu resin tolu , no Uma foun ne`e rasik , kompleta ho Haris fatin , inlui Meja no kadeira.
‘’kona ba konstusaun projetu komunitario ne’ebe implemta iha EBF No 2 lospalos ne’e, ami inagura iha loron 4 fulan April Tinan 2023 no Ami Mos utilija ona sala tolu ba prosesu aprendijajem iha loron 5 fulan Maio Tinan 2023, no projetu komunitario ne’e ho sala tolu ,haris fatin ne’ebe kompleto inklui mos fasilidade meja hamutuk 60 no kadeira hamutuk 60 maibe fasilidade hirak ne’e la too ba sala tolu , maibe ami buka meus hodi kompleta ho kadeira tuan sira atu nunee estudante sira bele uja hodi tuir prosesu aprendeijame ho diak ‘’. Dehan Còrdinador EBF numero rua lospalos Saturnino de Kastru ba jornalista RCL iha nia serviso fatin Quarta 12/07/2023.
Satuirnino mos hateten, husi kotrusaun projetu komunitario ne’e nia parte sente orgulho no kontente, tamba kontrusaun projetu komunitario ne`e bele ajuda sira hodi utilija ba prosesu aprendijajem ba etudante sira.
‘’ Ami sente kontente no orguilho, ami nia Eskola ne`e konsege hetan projetu komunitariu , hodi konstrui Uma Eskola Unidade Ida ho sala 3 ne`ebe kompleta kedan ho Fasilidade Haris Fatin , Meja no Kadera , nune`e bele ajuda ona ami hodi hamenus ami nia Problema kona ba Sala de Aula , foin primeira ves, Ami nia eskola hetan kontrusaun projetu komenitario neebe halo sala tolu nee bele ajuda ami profesores sira no labarik estudante sira hodi utilija ba prosesu aprendijajem ho diak ‘’. Hateten Saturnino de Kastru
Entertantu Husu nafatin ba Governu foun atu bele tau atensau sala eskola EBF Numero 2 lospalos nian no bele tau iha planu, nune’e bele hadia lalais tamba edukasaun sai importante ba labarik estunte sira nia future.
Jornalista :Erme
Editor:NP
