ESTV 2 Lospalos RCL Vox Populy 18/07/2023 = Eskola Tekniko Vokasional no 2 Lospalos Utilija ona Uma Eskola foun ne`ebe konstrui , husi Kompañia Salve Unipessoal Lda , liu husi Programa Ministèriu Edukasaun iha tinan kotuk , tamba Ministerio Edukasaun Juventude Desportu enterega ona ba Eskola iha semana kotuk.
Diretòra Ensinu Sekundaria Tékniku Vokasional no 2 lospalos , Lidiana maria Espiritu santo Pereira ne’ebe Jornalista RCL Haoru iha nia serviso fatin tersa feira ne’e hateten , nia parte agradese ba ministerio edukasaun juventude Desprto , tamba bele konstrui ona Uma Eskola foun no enterega ba Parte Eskola atu bele uja prosesu Aprendijajem.
Directora ne’e mos Afirma , inisiu Eskola refere Uja Uma EBC Laiku Lospalos nian , hodi uja ba Ensinu aprendijajen iha Lorokraik , maibe ba tinan ida ne`e , Eskola refere iha ona Uma Eskola rasik nune`e , Ensinu Secundaria Tékniku Vokasional , husi Klase Décimu to`o Décimu Segundu , hotu-hotu tama ona Eskola dader , no hahu iha Segunda Feira Semana ne`e .
‘’ Hau Agradese no Apresia tebes ba Ministériu Edukasaun Juventude no Desprto , tamba bele tamba bele oferese ona Uma Eskola foun ne`ebe konstrui husi Kompañia Salve Unipessoal Lda . atu bele uja prosesu Aprendijajem , no ida ne`e bele diminui ona Problemas balun ne`ebe ami nia Eskola infrenta durante ne`e . Ami nia prosesu Ensinu aprendijajen inisiu , ami uja Sala de Aprendijajen EBC Laiku Lospalos nian iha tempu lokra`ik maibe ba tinan ida ne`e , Eskola refere iha ona Uma Eskola rasik nune`e , Ensinu Secundaria Tékniku Vokasional , husi Klase Décimu to`o Décimu Segundu , hotu-hotu tama ona Eskola dader ,no hahu iha Segunda 17/07/2023 ne`e .‘’ Dehan Directora Ensinu Secundaria Tekniko Vokasional no 2 lospalos Lidiana Maria Espiritu Santo Pereira ba Jornalista RCL iha nia serviso fatin Tersa feira 18/07/2023
Lidiana maria mos hateten maske iha ona Eskola no Edifisio foun ba Eskola refere , maibe Problema Sala Aprendijajen Kontinua iha , tamba Ensinu Aprendijajen Sala Rua sei uja nafatin Sala husi EBC Laiku nian , nune`e Eskola ida ne`e sida`uk iha fatin Bibiloteka ,no sei menus professor , tamba professor husi eskola refere , balun halao nia serviso ho dupla hodi lori Materia Rua ka Tolu
‘’ Maske iha ona eskola no Edifisio foun ba Eskola Tekniko Vokasional No 2 laiko lospalos maibe sei menus salas de aulas no menus fasilidade meja no kadeira ba estudante no Profesores sira tamba estudantes husi departamamentu balun sei uja sala eskola Ensino Bajiko laiko nian hodi halo sira nia Aprendijajem no Alende ne’e ami mos sei prekupa laiha fatin Bibiloteka ,no sei Menus profesores tamba Profesores iha Ami Nia eskola ne’e Profesores balun halo nia serviso ho dupla hodi lori Materia rua ka tolu’’.Hateten Lidiana
Entertantu: Total Estudante iha Eskola tekniko vokasinal No 2 lospalos ba tinan ida ne`e hamutuk Nain atus Rua Sanolu resin Ne`en (216) husi Décimu to`o décimu Segundu Anu , ho total profesores hamutuk sanolu resin walu (18).
Jornalista ; Erme
Editor ; NP
