Leuro Lospalos RCL Vox Populy 08/08/2023 = Komunidade , Hamutuk ho Familia Martires , Veteranu no Juventude Suku Leuro , Tersa feira ne`e Komemora Loron Levantamentu Ármada ba dala Ha`at Nolu (40º) iha Suku Leuro , Postu Administrativu Lospalos , Munisìpiu Lautém .
Akontesimento Levantamento Armada ne`e , akontese iha loron Walu fulan Agostu tinan Rihun Ida atus Sia Walu nolu resin Tolu (08/08/1983) ne`e nùdar Loron Istòriku ba Komunidade sira , tamba ida ne`e hola parte ba Prosesu Ukun rasik Àn nian , nune`e Suku Leuro Komemora loron ida ne`e , hodi hano`in hikas no fò Ómenajen ba Martires sira , ne`ebe dedika sira nia an tomak iha Periodu Luta Libertasaun Nasional .
Xèfi Suku Leuro Carlito Viegas Liu husi Serimonia ida ne`e hateten , maske Komemorasaun Loron Levantamentu Àrmada ne`e selebra ho seremonia simples , maibe ida ne`e nia kontiudu ne`ebe bo`ot , tamba ho loron ida ne`e , ita hotu bele relembra hikas Martir sira nia Luta hodi Liberta rai doben Timor Leste .
Aman ba Suku Leuro ne`e mòs agradese ba Komunidade , Familia Martires , Veteranu no Juventude sira nia Kontribuisaun tomak , idane`ebe ho Osan , Material no Moral hodi nune`e ita bele Komemora loron Importante no Istòriku ida ne`e iha Suku Leuro .
‘’ Maske Komemorasaun Loron Levantamentu Àrmada ne`e selebra ho seremonia simples, maibe ida ne`e iha nia kontiudu ne`ebe bo`ot , tamba Akontesimentu ida ne`e hanesan Orden Komandu da Luta hodi hato`o ba Komunidade sira atu Organija Levantamento Armada iha Loron 8-08-1983 , nune`e Suku Leuro mòs hola parte ba Prosesu Luta hasoru Invajor sira , ho loron ida ne`e , ita hotu bele relembra hikas Martir sira nia Luta hodi Liberta rai doben Timor Leste . Hau Núdar Lider Komunitariu iha Suku Leuro , hakruk hodi fò Ondra no Gloria ba Martires heroi no Heroina sira neb’ebe sakrifika sira Nia Àn tomak iha periodu Luta Libertasaun Nasional , Hau nudar Reprejentante POVU suku leuro nian hakruk no fo ondra Bo’ot ba Martires no Herois sira neb’ebe sakrifika hodi Ofereese Nia Aan ba orden komando da luta iha tinan 1983, no seremonia ida ne’e maski halao ho simples maibe hau fo agrade tebes ba hau nia komunidade suku leuro nian , tamba hau nia komunidade suku leuro nia partisipasaun no nia kontribusaun tomak bele realija ona komemorasaun lewantamentu Armada ne’e ho diak.’’ Dehan Xèfi suku Leuro Carlito Viegas iha Komemorasaun loron lewantamentu armada iha suku leuro Tersa 8/08/2023
Carlito mos hateten maski seremonia lewantamentu iha suku leuro ne’e sadauk iha Rekonhesimentu husi Governu , maibe komunidade suku leuro Konsidera ida ne`e hanesan Loron Istòriku ba Funu Libertasaun Nasional , nune`e Povu sira ho kbi`it tomak , halibur hamutuk hodi Selebra loron istoriko ne’e , tamba loron ida ne’e sai Tradisaun id aba Komunidade sira atu Selebra kada tinan .
‘’ Maske Governu lada`uk Rekoñese Loron ida ne`e sai loron Nasional ida , maibe Ami hamutuk ho Komunidade Konsidera hanesan loron ne`ebe nakonu ho Tristeja iha Komunidade nia le`et , tamba Komunidade Suku Leuro iha Espiritu Nasionalismu no Patriotismu hodi hasa`e sira nia Agradesimentu ba Horoi no Heroina sira ne`ebe mate hodi Liberta rai Doben timor Leste to`o Ukun rasik Àn , Maske Komunidade ho Kbi`it ne`ebe nato`on maibe iha Espiritu no Vontade ne`ebe diak , hodi Komemora Loron Levantamento Àrmada iha Suku Leuro , tamba Akontesimentu ne`e akontese mòs iha Suku Leuro iha Tinan 40 liu ba , no liu husi Celebrasaun ida ne`e , ita hotu bele hatudu Istòria Funu nian ba Jerasaun foun sira ne`ebe foin sa`e , nune`e sir abele Konsiente hodi banati tuir , no bele hamutuk hodi realija Mehi Lutador sir aba Dezenvolvimentu Nasional.’’ . Dehan Carlito
Entertantu: seremonia loron lewantamentu Armada ne’ebe halao iha suku leuro ne’e lao ho diak , tamba hetan partispasaun masimo husi Reprejentate Guvernu local ,Lider komunitario , Parte Seguransa no komunidade sira husi suku kakvei ,soru no suku leuro no hetan siguransa husi Polisia PNTL Municipio lautèm.
Jornalista ; Linda
Editor ; NP
