Oé-Cusse RCL Vox Populy 16/08/2023 = RPrèzidente Autoridade Rejião Administrativu Enclave Oé-Cusse Ambeno (PA-RAEOA) Arsènio Paixão Bano Husu ba Jornalista sira iha Timor leste , atu halo Pùblikasaun Notisia ho akuradu , no krèdibel , nune`e pùbliku sira iha nafatin konfiansa , hodi kontribui ba Prosesu Dejenvolvimentu Nasional.
PA-RAEOA espresa lia hirak ne`e liu husi serimonia Atribuisaun Sertifikadu ba Jornalista Timor Leste na`in 24 iha Salaun Madre Dominicana, Santa Rosa, aldeia Oebau, Suku Costa, Sub-Rejiaun Pante Makasar, Rejião Administrativu Enclave Oé-Cusse Ambeno Kuarta (16/08/2023) .
Arsènio Paixão Bano mòs afirma , nia parte agradese ba Jornalista Investigatuvu husi ABC Australia , ne`ebe transmit matenek ba Jornalista Timoroan sira iha rai Enclave durante loron Tolu , nune`e bele ajuda iha area Pùblikasaun nutìsia ho Akuradu no krèdivel ba Pùbliku tomak iha Timor Leste.
‘’Hau (PA-RAEOA) sente kontente no Óndradu ho Conselu Imprensa-Timor Leste (CI-TL) ne`ebe kopéra ho Australian Broadcasting Corporation International Development (ABCID) bele transmiti Matenek balun husi Jornalista ABC nian ba Jornalista Investigativu Timor Leste ne`e Hau hanoin importante tebes , tamba laiha Jornalista , ema sei la promove ami nia rai Enclave , ne`ebe hau agradese ba Midia Timor tomak , tamba laiha imi (Jornalista) ema sei la le`e ami nia Notisia , maski nune`e Imi (Jornalista) tengki hato`o ou Pùblika Nutisia bajea ba faktu , no halo konfirmasaun klean tuir Standarte jornalista nian 5W1H nian .’’ hateten PA-RAEOA Arsénio Paixão Bano .
Bano Infòrma , Oé-Cussi hanesan rai ketan iha Timor Leste , ne`ebe haleu ho Nasaun Indonézia , besik lòs ho Pròvinsia Nusa Tengara Timur (NTT) , Nune`e Oè-Cussi sai Espeilu ba Nasaun Viziñu ne`e , presija halo buat barak hodi hatudu ba mundu Internasional,liu-liu Nasaun Indonézia.
‘’ Oé-Cussi hanesan rai ketan iha Timor Leste , ne`ebe haleu ho Nasaun Indonézia , besik lòs ho Pròvinsia Nusa Tengara Timur (NTT) , Nune`e Oè-Cussi sai Espeilu ba Nasaun Viziñu ne`e , presija halo buat barak hodi hatudu ba mundu Internasional,liu-liu Nasaun Indonézia , então ita mòs tengki la`o ba oin nafatin , Jornalista iha Obrigasaun atu promove Dejenvolvimentu ba ema hotu.’’ Nia hakotu.
