Lospalos RCL Vox Populy 23/08/2023 = Aministradór Postu Administràtivu (APA) Na`in Ne`en (6), iha Munisípiu Lautém , Quarta feira ne`e , partisipa Enkontru , Préparasaun sira kona ba Elisaun Xéfe no Konselhu Suku nian , ne`ebe sei akontese iha Fulan Outubru tinan ida ne`e.iha Salaun VIP Munisípiu Lautém.
Administradór Munisípiu Lautém Domingos Xávio nebe Jornalista sira hasoru iha Administrasaun Munisipiu Lautèm quarta feira ne’e hateten , Enkontru ida ne`e ho Objètivu atu défini Administradór Postu sira hodi bele Identifika Sentru Votasaun sira iha kada sucu no Aldeia , tamba Elisaun Suku ne`e iha Diferensia ho Elisaun Jéral no Elisaun Prézidensial nian , nune`e Administradór Postu nen sira tenke identifika didiak Sentru votasaun nebe sei uja ba Elisaun Suku nian.
‘’ Ohin STAE , no APA Na`in 6 Iha Munisípiu Lautém , ita Enkontru hamutuk , hodi koalia kona ba Preparasaun ba Elisaun Suku nian ne`be mak sei akontese iha fulan Outubru 2023 , liu husi Encontru ida ne’e fó Biban ba Administradòr Postu sira , hodi bele Identifika Sentru Votasaun sira iha kada Suku no Aldeia , tamba Elisaun Suku iha diferénte ne`ebe bo`ot,tamba Elisaun Prézidente no Parlamentar nian ne`ebe la`o ho Sentru Votasaun ne`ebe Oituan , maibe ba Elisaun Suku ne’e , ita presija Estabelese Sentru Votasaun Maijumenus 150+,hodi ida ne’e ita konvida APA Na`in 6 atu Partisipa , pàr depeois sira tun direita ba iha sucu no Aldeia hodi hare no identifika Sentru votasaun ne`be sei uja ba Elisaun suku nian, no wainhira identifika hotu ona tenke relata mai iha Munisipal atu bele fo formasaun ba tékniku.’’ hateten Administrador Munisipio Lautèm Domingus Xáviu ba Jornalista sira iha Administrasaun Munisipio Lautèm quarta feira ne’e 23-08-2023.
Administrador Munisípiu ne`e mós husu ba APA sira iha Munisípiu Lautém , hodi fó biban ba Feto sira iha prosesu kandidatura nian, nune`e ita bele asegura no promove Direitu Feto iha Foti desijaun no Politika.
‘’Ita ténki fó Oportunidade ba Maluk feto sira atu bele Kandidata sira nia Àn iha Prtosesu Kandidatura Xéfe Suku nian , tamba Feto mós iha Direitu atu Ema hili no Hili Ema , ho Esfòrsu ne`eb ita halo , bele Promove no Asegura , Diréitu Feto iha Foti desijaun sira no iha Diréitu atu asesu ba Lideransa nian hodi ida ne’e Administrador Postu sira tenke Esfórsu feto tenke ida iha hodi kandidata ba Elisaun sucu nian iha tinan ida ne’e.hateten Administrador Munisipio Lautèm Domingos Xáviu
Iha Ssorin seluk Administrador Postu Tutuala Albino de Araujo mos hateten,iha Postu Administrativo Tutuala dada`un ne`e preparadu ona liga ho fasilidade ne`ebe sei utilija iha Àmbitu Elisaun Suku nian , nune`e bele fasilita diak liu tan Komunidade sira iha ida-idak nian Aldeia hodi livre hili sira nia Lideransa rasik.
Nia haktuir , Postu Tutuala , to`o agora sida`uk iha Kandidatu Feto , hodi Kompete ho Mane sira iha Elisaun Suku nian , maibe Mane Na`in Rua mak hahu Kandidata Àn , iha Periodu Kandidatura nian.
‘’ Hau hanoin iha Postu Administrativu Tutuala agora dadaun preparadu ona, liga ho fasilidade ne`ebe mak iha , wainhira halo Elisaun Lideransa Sucu nian ,tamba Elisaun suku ne’e realija iha ida-idak nia Aldeia,maibe Administrador Postu ne’e mos servisu hamutuk nafatin ho parte STAE , atu bele Kria kondisaun ne`ebe diak, nune`e Aldeia ne`ebe mak dók husi Sede Aldeia bele halo elisaun ho diak.Tamba ,iha Postu Tutuala to`o agora sida`uk iha Kandidatu Feto , hodi Kompete ho Mane sira iha Elisaun Suku nian , maibe Mane Na`in Rua mak hahu Kandidata Àn , iha Periodu Kandidatura nian , Mais hau sei esforsu atu Feto mos tenke iha hodi compete ba Lideransa Sucu nian.hateten Administrador Postu Tutuala Albino De Araoujo
Entertantu:Encontru ida ne’e lao ho diak tamba hetan Partisipasaun maximu husi STAE no Administrador Postu Na`in Ne`en ,(6) Ne`ebe Pertense iha Munisipiu Lautém.
Jornaista ; syda
Editor ; NP
