Lospalos RCL Vox Populy 30/08/2023 = Governu Lokal , liu husi Komisaun Organijadora Komemorasaun loron Konsulta Popular ba Dala Rua nolu resin Ha`at , hahu Rekoñese ona Fatin Bé Pósu no Semitéiru Públiku Sawarika , sai Fatin Kari Aifunan no Sunu Lilin , tamba Fatin ida ne`e nudàr fatin Inimigu sira Oho Sidada`un Munisípiu Lautém hodi Soe iha Bé Possu Sawarika nian .
Administradór Munisípiu lautém Domingus Xáviu ne’ebe jornalista RCL hasoru iha Simiteiru Sawarika quarta feira ne’e hateten , Semitéiru Públiku no Bé Possu Sawarika nian , hanesan Fatin Repréjentasaun Fatin Istóriku sira , tamba Autoridade Lokal sira desidi liu husi Enkontru , atu sai fatin Kari Aifunan no Sunu lilin ba Martires sira iha loron konsulta popular ba tinan ida ne`e iha Munisípiu Lautém.
‘’Ha hakarak hateten de`it katak , fatin 2 mak hanesan Be’e Posu savarika no simiterio Públiku iha Sawarika , ne`e ami Desidi liu husi Reunião Komisaun Organijadora , ne`ebe Prejidi husi Secrétariu Munisípiu nian , nune`e fatin ida ne`e , sai fatin reprejentasaun ba Fatin kari aifunan no sunu lilin liu husi Loron Konsulta Popular ba tinan ida ne`e hodi fó Omenagén ba maluk Martir no funu na`in sira nee`ebe mate iha fatin hotu-hotu , Fatin Bé Possu ne`be ita desidi ne`e hanesan Fatin ba Inimigu sira Oho ita nia ema sira Soe hotu ba laran , no familia sira la konsége foti , maibe halo tuir lisan ida-idak nian hodi bolu no halo`ot , no Semitéiru ida ne`e ita Hili tamba ita nia Maluk Na`in 8 ne`ebe Inimigu sira oho iha Munisipiu Liquisa no lori hikas mai , hodi halo`ot iha Semitéiru ida ne`e , ho rajaun ida ne`e hotu ita Konsidera fatin 2 ne`e Reprejenta ona fatin Istóriku hotu iha Munisípiu Lautém , Ami mós sei Deskuté iha Reunião Planu Asaun Munisípiu Lautém nian , hodi Prevé Fundu balun hodi Rehabilita Semitéiru ida ne`e.’’ Hateten Administradór Munisípiu lautém Domingus Xáviu ne’ebe jornalista RCL hasoru iha Simiteiru Sawarika Kuarta 30/08/2023 ne`e.
Entertantu; Governu Lokal sei Deskute hamutuk , kondisaun Sémitéiru Sawarika nian , no hatama ba Planu hodi bele hetan Rehabilitasaun , hodi bele sai Semitéiru Jeral ida , tamba Semitéiru Kuluhun nia Espasu hahu menus ba bebe`ik.
Jornalista ; Linda
Editor ; NP
