Rasa Lospalos RCL Vox Populy 31/08/2023 = Komunidade Suku Rasa, Postu Administrativu Lospalos , Munisípiu Lautém , hamutuuk Uma kain Atus Rua Hitu nolu (270) , Quinta feira ne`e , hetan ona Distribuisaun Fugaun tein husi Ong Global Civic Sharing ga GCS husi Nasaun Korea iha Sede Suku.
Supervijor Global Civic Sharing ga GCS Rojita da Silva ne`ebe Jornalista RCL hasoru iha Sede Suku Rasa hateten,Objectivo husi Distribuisau Fugaun ba Komunidade ne`e , atu Evita Polusaun ga Ahi Suar iha Uma laran , atu Protéje Meiu Ambiente .
Rojita Haktuir , Alende Evita Ahi Suar , Komunidade sira mós bele hamenus Uju Ai sunu hodi Proteje Floresta iha Nasaun Timor Leste , liu-liu Munisípiu Lautém , no Prosesu Distribuisaun ne`e bajea ba dadus Uma kain ne`ebe alista ona.
Hau hakarak hateten de`it katak , Fugaun teín ne`ebe Distribuisaun ba Komunidade sira iha Suku Rasa ne`e , mai husi Ong GCS husi nasaun Korea , ne`ebe Kópera Governu Timor Leste , ho objétivu ida atu Redús Ai Sunu , Protéje Ailaran no Evita Polusaun Ai Suar iha Uma laran , tamba Fugaun ida ne`e ita uja de`it Ai Oituan bele téin ona , ida ne`e hola parte mós ba Saúde Komunitáriu nian , Ami nia Distribuisaun ne`e ami bajéia ba Dadus Uma kain ne`ebe Membru GCS foti iha Nivel Aldeia , liu husi dadús ida ne`e Ohin loron ami bele Distribui Fugaun tein nian ba Komunidade Suku Rasa ho Uma kain 270. Hateten Supervijor Global Civic Sharing ga GCS Rojita da Silva ba Jornalista sira iha Sede Suku Rasa Quinta 31/08/2023
Iha fatin hanesab Xéfe Suku Rasa, Armindu Benedjato hateten , hanesan Lider Komunitária sente Kontente no Orguilho ho Distribuisaun Fugaun husi Nasaun Korea , ne`ebe oferese ba Komunidade sira , tamba ho Fugaun ida ne`e bele hamenus ona ai sunu no bele proteje Ailaran tuan sira.
Núdar Xéfe Suku iha Suku ida ne`e , hau sente Orguilhu ho Distribubuisaun Fugaun husi Nasaun Korea nian , ida ne`e hola parte ba Dejenvolvimentu iha Nasaun ida ne`e , husi ida ne`e , bele Konsensialija Komunidade sira , atu hahu Redús Ai Sunu , Proteje Meiu Ambiente no Saúde Komunitáriu .’’ Hateten Xéfe Suku Rasa.
Komunidade ida ho Naran Laura Barós Lemós hateten , nia parte Agradese ba Governu Korea no Timor Leste , tamba ho sira nia koperasaun , ohin loron Komunidade ssira bele hetan Distribuisaun Fugaun Téin iha Suku Rasa , Atu hafasil inan Feton sira waihira tein.
Komunidade Sira Agradése ba Governu Korea no Timor Leste , tamba ho Nasaun 2 ne`e nia Koperasaun , Ohin loron ami bele hetan Fugaun Téin , no ida ne`e mós bele ajuda ona , hafasil ami Feto sira Atívidade iha Dapur , no bele kopera ba Ambiente ne`ebe Seguru no Saúdavel.’’ Tenik Laura.
Entertantu: Distribuisaun Fugaun Téin husi Ong Global Civic Sharing ga GCS ba Komunidade ne`e hola Parte ba Programa , Proteje Ailaran Evita Dejastre Naturais iha Rai laran , tamba Fugaun ida ne`e sei la Uja Ai Sunu barak hodi tein.
Jornalista ; Sida
Editor ; NP
