Lospalos RCL VP 05/10/2023 = Diretór ONG Luta Hamutuk Segunda feira ne`e hateten , Governu Konstituisaun tengki Invéste makás ba Setór Agrikultura hodi hasa`e Prodútu Agrikola iha rai laran atu nune`e bele hamenus Sasan Importansaun , liu-liu Aihan sira husi rai liur , no Espéra Governu sei Implementa Politika ne`ebe diak hodi bele Redús Folin Fós ne`ebe dada`un ne`e sa`e.
Directur NGO Luta Hamutuk José Alves da Costa ba jornalista sira hateten tán , Governu Timor Leste ba dada`un ne`e iha ona Politika ne`ebe Relasiona ho folin fós ne`ebe kontinua sa`e , hodi Planeia ba Subsidiu ba agente Fonesedór Fós iha Timor Leste , hodi Netralija Folin Fós iha Mercadu.
‘’Hau husu ba Governu Konstituisional dá IX , hodi Invéste makás ba Setór Agrikultura , hodi hasa`e Produsaun Agrikola iha Rai laran , nune`e Timor Leste labele Dependente makás ba Aihan , liu-liu Fós husi rai liur , tamba Politika Governu ba Dada`un ne`e hahu Kria ona Politika hodi Subsidia Agente Fornesidór Fós iha Nasaun Timor Leste , nune`e bele hahu Netralija ona Folin Fós ne`ebe Kontinua sa`e , atu nune`e Povu labele sai Vitima ba Politika Ekonomia ne`ebe la`o iha Rai laran , ida ne`e Esfórsu Governu nian hodi halo Intervensaun ba Folin Fós ne`ebe dada`un ne`e Sa`e , no sai Prékupasaun ba Povu tomak , liu-liu ba Povu Kbi`it laék sira.’’ Hateten Diretór NGO Luta Hamutuk Jose Alves da Costa ba jornalista sira Segunda feira 02-10-2023.
Tuir José katak , Timor Leste Potésnsia tebes iha Setór Agrikultuta , nune`e Governu tengke Investe Makás ba Setór ida ne`e , hodi Hasa`e Produsaun Agrikola iha rai doben Timor Leste ida ne’e , nune`e Nasaun Timor Leste labele dependente deit Importasaun Fós husi rai liur.
‘’Hau hanoin iha rai doben Timor Leste ida ne’e rai ne`ebe iha Pontensial Tebes ho ida ne’e ,Agrikultor sira tenke halo produsaun ne`ebe makás Produtu Agrikola, atu nune ita labele dependente deit ba Importasaun Fós husi rai liur ,ho ida ne’e Guverno tenke fasilita no fo apoio nafatin ba ita nia agrkultor sira nebe mak iha inisiativa hodi halo produsaun.’’ Dehan José.
Entertantu: Atu Invéste ba Setór Agrikultura iha Nasaun ida ne`e , fasil maibe Depende Mós ba Povu sira , liu-liu Agrikultór sira iha hanoin atu hasa`e Kuantidade no Kulidade Produtu Agrikóla nian . nune`e it abele hamutuk hodi Redús Importasaun Aihan husi rai liur.
Jornalista ; CC
Editor ; NP
