Lospalos RCL VP 29/09/2023 = Servisu Munisipál Água no Saneamentu Ambientál ga SMASA, hamutuk ho tékniku Programa Nasionál Dezenvolvimentu Suku ga PNDS ne`ebe forñese Bé-mós ba populasaun munisípiu Lautém , ba dada`uk ne`e atinje ona %82.
Diretór SMASA Munisípiu Lautém, Acasio Pereira informa, objétivu workshop ida ne’e atu fó hanoin ba tékniku PNDS iha Munisipio Lautèm hodi asegura projetu bee-mos ne`ebe implementa iha área rurais sira.
“Liu husi workshop ida ne’e , atu fó koñesimentu ba tékniku PNDS sira iha Munisipio Lautèm , hodi asegura projetu implementasaun no asegura sistema be’e mos ne’ebé durante ne’e PNDS sira konstrui, ona , maibé husik hela entaun ami haree ladún kompletu, tanba ne’e presiza fasilita hodi kompleta implementasaun,” dehan Diretór SMASA Lautém, Acasio Pereira, iha sexta feira 29-09-2023.
Acasio mos hateten , Tuir dekrétu lei númeru 4/2004 wainhira implementasaun Projétu Bé mós remata , entrega ba Komunidade mak Jére rasik , no hetan nafatin Kontrolu husi husi tékniku , Servisu Munisipál Água no Saneamentu Ambientál ga SMASA iha Munisipio Lautèm.
“Tuir dekretu lei númeru 4/2004 wainhira implementasaun be’e mos hotu entrega ba komunidade atu jere rasik no sei hetan nafatin kontrolu husi tékniku , SMASA iha Munisipio Lautèm ,tamba formasaun ba tékniku PNDS hodi asegura ninia sustentabilidade kuandu remata, bazeia ba dekretu lei númeru 4/2004, iha artigu 21 to’o 28 asegura kona-ba bee-moos ni’an, no konstrusaun ninia sustentabilidade, tamba agora dadaun ne’e komunidade munisípiu Lautém asessu bee-moos atinji ona 82%.’’ Dehan nia
Iha sorin seluk Diretór PNDS Munisipio Lautèm , Alsino da Silva hateten, Fornesementu beé mós ne`e hahu kedan husi tinan 2021 to’o agora, no implemnta kanalijasaun be’e mos iha sucu hotu-hotu iha nivel munisipio lautèm .
‘’ ita hotu hatene katak desde ezistensia PNDS halo konstrusaun barak hahú husi tinan 2021 to’o agora, no implemnta kanalijasaun be’e mos iha sucu hotu-hotu iha nivel munisipio lautèm ,hodi bele comunidade utilija be’e mos ,maibe ami mos hasoru difikuldade barak iha baze, tanba komunidade laiha konsensia hodi tau matan ba bee-moos refere.’’ Hateten Alcino da Silva sexta feira 29-09-2023.
Entertantu:Alsino mos husu nafatin ba Komunidade sira hotu katak Sistema kanalijasaun be’e mos ne`ebe estabelese ona ne’e presija tau atensaun ho diak atu nune bele dura to’o tempu naruk.
Jornalista ; sisi
Editor;NP
