Lospalos RCL VP 14/10/2023 = Juventude Rezisténsia no Lidér Komunitáriu iha Nivél Aldéia, sei túr hamutuk ho Parte Relevante sira , hodi koalia oinsa bele halo Aldáia Kuluhun ne`ebe durante ne`e Ema barak dehan sai Alvu ba Próblema , atu bele hakmaték iha Pás no Estábilidade nia laran.
Juventude Rezisténsia , nune`e núdar Xéfe Aldeia Kuluhun , Suku Fuiloru , Postu Administrativu Lospalos , Munisípiu Lautém , Tomás Ely Timór ba Jornalista sira Sabadu 14/10/2023 ne`e sente katak , Dizeminasaun Lei Arté Marsial Númeru 5 / 2017 ne`ebe Reguláriza Organijasaun Arté Marsial (OAM) hotu-hotu inklui Organijasaun Arté Ritúal iha Nasaun ida ne`e , bele ajuda ona Membru no Lidér OAM no OAR , sira atu bele Kontribui ba Pás no Estabilidade.
‘’Iha Konflitu ne`ebe Mosu bebe`ik iha ita nia Aldéa dala ruma Ita Jenéralija ita nia Kolega sira iha OAM no OAR , maibe ita tengki identifika Individu balun ne`ebe la Kontróla Án , entaun ida ne`e maka hamosu Konflitu iha Bairo no Aldeia , entau Sensibilijasaun Lei OAM no OAR iha Aldéia Kuluhun nian , nune`e Lider Komunitáriu ho Ekipa ida , ami sei túr hamutuk atu invéstiga Porfundu , oinusa it abele hetan Rezólusaun ne`ebe diak liu , ba Aldéia nia Hakmaték nian.Ami sei túr hamutuk ho Lidér sira ne`ebe Hau Kónfia iha tempu Rezisténsia , hodi kria komisaun ki`ikoan ida , hodi halo Investigasaun Profúnda ba Kauja Konflitu ne`ebe durante Mosui ha Aldéia Kuluhun hodi Solusiona Problema sira ne`e hotu , atu nune`e , Aldeia ne`ebe Ema dehan sai Alvu ba Konflitu bele livre no Hakmaték , liu husi Tara Bandu ida .’’ Hateten Juventude Rezisténsia , nune`e núdar Xéfe Aldeia Kuluhun , Suku Fuiloru , Postu Administrativu Lospalos , Munisípiu Lautém , Tomás Ely Timór ba Jornalista sira Sabadu 14/10/2023.
Alende ne`e , Administradór Munisípiu Lautém Domingus Sáviu Kompromete katak , Administrasaun Munisípiu Lautém , liu husi Administrador Munísipiu Lautém , Prontu Atu Fasilita Komisaun Identifikasaun no Invéstigasaun ne`ebe sei Estábelese , atu bele Identifika Kauza husi Probléma no Konflitu ne`ebe mosu durante ne`e iha Aldéia Kuluhun Lospalos.
‘’Karik Aldéia Kuluhun Lospalos , Harí ona Komisaun Identifikasaun no Ivéstigasaun , Parte Administrasaun Munisípiu bele Envolve Administrador Munisípiu , atu buka dalan Apoiu ba Komisaun ida ne`e ,atu bele hala`o sira nia Servisu Profúnda ba Prosesu Identifikasaun no Investigasaun nian , hodi bele buka Kauza no Hún husi Problema no Konflítu sira ne`ebe durante ne`e Mosu , Nune`e it abele solusiona Konflitu , liu husi Rejolusaun ida ne`ebe diak , tamba ida ne`e hola parte ba Prosesu Harí Dame no Estábilidade hodi kontribui ba Unidade Nasional.’’ Hateten Sáviu liu husi Atividade Dizeminisaun Lei Arte Marsial ne`ebe Organija husi KRAM Nasional.
Entretantu; Komisaun Organijadora Atividade Dizeminasaun ne`e sente Tristi, tamba Partisipasaun husi Strutura OAM no OAR inklui Membru sira Minimu liu , no ida ne`e hanesan Dúvida ida , maibe Komisaun ne`ebe Harí ona ne`e sei tenta Lider OAM no OAR sira , oinsa ita bele hamenus ou halakon Konflitu sira ne`ebe Mosui ha Bairo no Aldeia.
Jornalista ; Sida
Editor ; NP
