Lospalos RCL VP 16/10/2023 = Polisia Nasional Timor Leste ga PNTL Munisipio Lautèm Préparadu ona , no Próntu atu Asegura Seguransa iha Loron Elisaun Lideransa Suku , ida ne`ebe sei akontese iha Loron Rua nolu resin Walu Fulan Outubru Rihun Rua , Rua nolu resin Tolu (28/10/2023) .
Komandante PNTL Munisípiu Lautém Superintendente Polisia Antoniu rego Fernandes ba Jornalista RCL iha nia Servisu fatin Segunda feira ne`e hateten,Komandu Polisia Munisipiu Lautém , ba dada`un ne`e Preparadu ona , no sei Koloka Membru hamutuk Atus Ida Tolu nolu , ba iha Sentru Votasaun sira ne`ebe Estábelese iha Suku no Aldeia ida-idak.
Autóridade Segurasa Munisípiu Lautém ne`e mós argumenta , Husi total Númeru Membro Polisia ne`ebe iha , sei Kóbre ba iha Sentru Votasaun iha Lautém ho total Atus Ida Lima nolu resin Ida (151) liu husi Jéstaun Komandu Polisia nian.
‘’Ami PNTL Munisipio Lautèm iha ona Preparasaun Membru ho quantidade nain 130 mak sei halo seguransa iha centru votasaun hamutuk 151 ,bazeia ba Total kada Aldeia nebe Ejiste iha Munisipio Lautèm , no Membru Polisia ne’e sei halo Jestaun hodi Garante Seguransa iha Sentru votasaun tomak ,iha Loron Elisaun Lideransa Suku nian nebe mak sei akontese iha loron 28-10-2023 , tamba Ami nia membru PNTL hamutuk Na`in 130 , Próntu ona hodi Asegura Seguransa ho diak iha Centru Votasaun ne`ebe estabelese ona iha kada Aldeia iha Munisípiu Lautém . ‘’ Hateten Komandante PNTL Munisípiu Lautém Superitendente Polisia Antanio Rego Fernandes ba Jornalista RCL iha nia servisu fatin Seggunda 16-10-2023 ne`e.
Komandante Munisipio Lautèm mos hateten,maske PNTL Munisipio Lautèm ho Rekursu nebe Limitadu , maibe nia parte Espéra katak Komunidade sira sei halo Koperasaun diák ho Parte Seguransa hodi Estabilija Situasaun ba iha loron Elisaun Lideransa Suku husi Inisiu to`o remata.
‘’Maske ami PNTL ho Rekursu nebe Limitadu ,maibe Ami mós Próntu nafatin hodi asegura seguransa ba Elisaun Sucu nian,no hau mos Espéra katak ,wainhira Elisaun Lideransa sucu ne’e realija bele lao ho diak , to’o remata , Tamba Komunidade rasik hahu iha Ona Maturidade ne`ebe diak , Kolabora ho Parte Seguransa hodi Kontribui ba Pás no Estabilidade.’’ Antonio Regu Fernandes
Entertantu: Komandu PNTL Munisípiu Lautém , Kontinu husu Koperasaun diak husi Komunidade , atu bele hamutuk , hodi asegura Seguransa ba Elisaun Suku , tamba Elisaun ida ne`e hanesan Elisaun Husi Komunidade no ba Komunidade nia Dezenvolvimentu.
Jornalista ; sisi
Editor ; NP
