Lospalos RCL VP 18/10/2023 = Administrasaun Postu Lospalos , Munisípiu Lautém sei Implementa Lei Higiene no Ordén Públika iha Sidade Lospalos , no Oho Animal Hakiák sira ne`ebe husik Hela iha Fatin Públiku , hodi háfoer no Pertúrba Ambiente sidade nia Mós , Wainhira Elisaun Lideransa Komunitáriu ne`e remata , tamba Komunidade sira laiha Konsiensia hodi Kesi no Háluhan Animal Hakiak sira.
Administradór Postu Administrativu Lospalos Dinis dos Santos Batista ba Jornalista sira iha AdministrasauN Munisípiu Lautém Quarta feira ne`e hateten tan , Administrasaun Postu Lospalos ne`ebe nia Lidera ne`e , sei tún ba Terénu hodi aprósima no Sosialija Dekretu Governu Númeru 33/2008 nia ba Komunidade sira iha Vila Lospalos , liu liu Na`in ba Animal Hakiak sira ne`ebe , Durant ne`e husik iha iha Vila Lospalos .
Nia Konfésa , wainhira laiha Konsensia nafatin husi Komunidade , Ekipa Konjunta ne`ebe Estabelese ona iha Munisípiu Lautém , sei tún ba Terénu hodi Oho Animal sira ne`ebe husi livre iha Fatin Públiku sira , hodi Oferese ba Parte Orfanatu no Hospital sira.
‘’Atividade Primeiru , ita sei halo Aprosimasaun liu husi Sosialijasaun Lei Higiéne Ordén Públiku ba Komunidade sira , fó Samada Atensaun ba Na`in Animal Hakiák sira dala 3 , no nafatin Kontinua husik iha Sidade laran , maka asaun Ikus mak , Ekipa Konjunta sei tún ba Terénu hodi Oho no Oferese ba Orfanatu , no Parte Hospítal nian , hodi bele fó han ba Orfanatu no Pasiente sira , Nune`e ita hotu bele hakrúk ba Lei Higiene Ordén Públiku ho Númeru 33/2008 , Asaun ida ne`e , atu Konsensialija Komunidade sira nia Hanoin , hodi Kópera ba Ambiente sidade nia Mós , nune`e , Ema liur tama mai Munisípiu ida ne`e bele Haré Kapitál Munisípiu Lautém nia Fúrak no mós , ida ne`e mak Importante , Implementasaun Lei Higiene no Orén Públika iha Munisípiu Lautém hanesan Parte Kontribuisaun ida Ambiente Saudavel nian , nune`e Ema hotu bele Moris iha Ambiente ne`ebe Saudavel iha Nasaun ne`ebe Saudavel .’’ Hateten APA Lospalos Dinis dos Santos Batista ba Jornalista sira iha Administrasaun Munisípiu Lautém Quarta 18/10/2023
Entertantu: Ekipa Konjunta ne`ebe ne`ebe Estabelese ona ne`e mai husi , Parte Polisia , Seguransa Sivil , Fungsionariu APC , Administradór Munisípiu , no Postu no Liña Ministérial Sira , ne`ebe Ejiste iha Munisípiu Lautém , Ekipa ida ne`e sei hala`o nia Servisu , wainhira Komunidade Sira laiha Konsiensia nafatin Husi Animal iha Sidade no fatin Públiku sira .
Jornalista ; syda
Editor ; NP
