Lospalos RCL VP 06/11/2023 = Ministériu Ensinu Superior (MES) , Segunda féira ne`e , hahu ona Inskrisaun Estudante Ensinu Secundária ne`ebe akaba ona sira nia Estudu iha Munisípiu lautém husi tinan 2019-2022 atu bele aseso Universidade Nasional Timor Lorosae iha Salaun Edukasaun Munisipiu Lautém.
Pontu fokal Rekursu Humano Ministério Ensino Superior Rui Hornay Queros ne’ebe Jornalista RCL hasoru iha Salun Edukasaun Munisipiu lautém segunda Feira ne’e hateten , husi inskrisaun ne’e nia parte fo oportunidade ba finalista sekundaria no tekniko vokasional sira iha Munisipio lauém ne`ebe mak remata nia eskola husi tinan rihun Rua Sanolu resin Sia (2019) too tinan rihun Rua Rua nolu resin Rua (2022) nian atu bele asesu ba UNTL.
‘’ agora dadaun ne’e Ministerio Ensino Superior Serviso hamutuk ho Universidade Timor lorosae ka UNTL ne’ebe serviso hamutuk ho institute politeknik Betano nian hodi fo oportunidade ba Joven ne`ebe remata ona sira nia Estudu iha Ensinu Secundária no Tékniku Vokasional iha Munisipio lautém husi tinan 2019-2022 nian ne’e,atu bele mai tuir inskrisaun hodi asesu ba UNTL’’. Dehan Pontu focal Rekursu Humano husi Ministerio Ensino Superior Rui Hornay Queros ba Jornalista RCL iha Salun Edukasaun Munisipiu lautém segunda 06/11/2023
Rui Hornay Queros mos hateten , Kritériu Inskrisaun ne`e , Benefisiariu sira tengki Submete Diploma Ensinu Secundária no Tékniku Vokasional , nune`e mós tengki hatudu kartaun Elitoral , tamba ida ne`e hanesan Kritériu Ministériu nian ne`ebe mak presija Kumpri.
‘’ liu husi inskisaun ne’e mos laiha limatasaun ba estudante finalista sira, maibe oinsa finalista sira bele mai tuir Inskrisaun ho Kritéiru ne`ebe Ministériu Ensinu Superior iha , mak hanesan , kada Benefisiariu ne`ebe remata ona nivel Secundária no Tékniku nian , tengki hatudu Diploma ikus Original no Kopia , nune`e mós Kartaun Elitoral Orijinal no Kopia . Ho nune’e Ami Husu nafatin ba finalista lautém oan sira atu bele prepara sira nia an no nia dokumentus sira hodi bele mai tuir Inskrisaun tamba futuru iha ita boot sira nia lima rasik’’ hateten Rui Hornay Queros
Entartantu ; loron inskrisaun sei la`o durante loron Ha`at hahu husi Loron Ne`en to`o Loron loron Sanolu Fulan Novembru rihun Rua , Rua nolu resin Tolu (6-10/11/2023) tuir Kriteriu ne`ebe iha.
Jornalista ; Linda
Editor ; NP
