Lospalos 05/01/2024 = Ong Fundasaun Amizade Tamba Amor (FUNDAMOR) Sexta feira ne`e , hahu Aprezenta Rejultadu Auditoria Sosial Kona ba Implementasaun Lei Suku nian , ne’ebe hahu husi Agostu 2023 Iha Suku Rua hanesan , Suku Tutuala Postu Administrativu Tutuala no Suku Rasa Postu Administrativu Lospalos, iha Salaun Enkontru Madre Canosiana Lospalos.
Diretóra ONG FUNDAMOR Angelina dos Santos liu husi Abertura ne`e hateten, Auditoria Sosial ne`ebe Hala`o iha Suku 2 ne`e , atu avalia Kompetensia no Servisu Konselu no Xéfe Suku nian, bazeia ba Lei Suku nian , no loron ohin Aprejenta nia rejultadu ba Entidade sira ne`ebe kompetente.
‘‘Iha tinan 2023 FUNDAMOR hala`o Auditória Sosial , hodi Avalia Servisu Xéfe , Konselu Suku no Aldeia inklui Membru sira relasiona ho implementasaun Lei Suku nian , nune`e iha Futuru bele fo Satisfasaun ba Ema hotu , ho Rejultadu Servisu ida ne`e mak Ohin Loron Ami Ong FUNDAMOR , aprejenta ona nia rejultadu ba Entidade Kompetente sira , tamba Auditoria Sosial ida ne’e ita bele hatene Servisu Membru Konselu tomak iha Sucu 2 ne`e.’’ Hateten Diretóra ONG FUNDAMOR Angelina dos Santos liu husi Abertura Validasaun Dadus Audittoria Sosial Sexta 05/01/2024 .
Iha fatin hanesan Administrador Munisipiu Lautèm Domingos Xávio mos hateten,Auditoria Sosial ne`ebe Fundamor hala`o iha Postu Rua ne`e importante tebes , nune`e ita bele hatene Governo nia Servisu no Sosidade sivil nia servisu iha Sucu Rua refere.
“Auditoria Sosial kona Implementasaun Lei Sucu nebe NGO Fundamor halao iha Postu 2 ne`e importante tebes ,tamba Liu husi Auditroria Sosial ita bele hatene Governo no Sosiedade sivil nia servisu iha nivel Suku ,nomos ita bele hare mos dezenvolvimento saida mak iha ona iha sucu nebe mak implementa ba ,tamba iha Nasaun ida tenke iha Peskija ka tenke halo Auditroria Sosial mak ita bele halo Planu hodi bele dezenvolve Nasaun ne’e ba oin .’’ Dehan Xáviu.
Entertantu: ho Validasaun dadus ba Auditória Sosial iha Suku 2 ne`e , atu ajuda ema hotu hatene Servisu Estadu no Sosiedade Sivil sira ne`ebe la`o iha Terenu , Enkontru validasaun dadus ba Auditoria sosial ne`e sai hanesan lisaun diak id aba Entidades tomak hodi toma atensaun.
Jornalista ; Ano
Editor;NP
