Lospalos RCL VP Sesta 12/01/2024 = Reprejentante Komandante Geral PNTL Inspetór Geral Polisia Jorge Monteiru iha salaun Edukasaun Munisipiu Lautem Sesta Feira ne`e , husu ba Entidade hotu , atu kontinua servisu hamutuk ho Komandante PNTL Foun,hodi Asegura Seguransa iha rai laran , liu-liu iha Munisípiu Lautém , tamba Pás no Estabilidade sei laiha , wainhira Parte Polisia la`o Mesak.
Inspetór Geral PNTL ne`e mós hateten , Membru PNTL iha Munisípiu Lautém , tengki kontinua hametin Unidade no Servisu hamutuk ho Komandante Foun ne`ebe hetan Despaisu Nomeasaun husi Komandante Geral PNTL nian , atu halo liña Kórdenasaun no Komunikasaun ne`ebe diak , atu bele asegura seguransa ba Povu tomak .
‘’Hau núdar Reprejentante KOMJER PNTL Timor Leste , husu ba Membru PNTL iha Munisipiu Lautèm , tenke servisu hamutuk nafatin ho Komandante PNTL foun ,hodi mantein nafatin Komunikasaun , Konsolidasaun , kórdenasaun ,no kópersaun servisu ho presidente Autoridade Munisipal sira ho nia Struktura iha nivel Munisipio , nomos iha Postu Administrativo sira ho komunidade sira tomak , iha Munisipio Lautèm,tamba Lui husi servisu hamutuk mak servisu hotu-hotu bele lao ba oin.’’ Hateten Reprejentante KOMJER PNTL Timor Leste , Inspetór Jeral Polisia Jeorge Monteiru , liu husi Seremonia Despedida Komandante PNTL Sesante iha Salaun Servisu Edukasaun Munisípiu Lautèm
Iha sorin seluk Reprezentante Falentil Forsa Defeza Timor Lestre F-FDTL Kolonel Benedito Dias Quintas , Punufano mos hateten,durante Komandante Sesante nia Servisu iha Munisípiu Lautém sai hanesan Ejemplu ba ita ema hotu , Nune`e Komandante Foun tengki Haforsa diak liu tán , nune`e Munisípiu Lautém bele moris iha Pás no Estabilidade , tamba Povu Presija mak Moris hakmatek.
‘’ Durante Komandante Sesante hala`o nia Knar iha Munisipio Lautèm ho servisu ne`ebe diak hodi asegura seguransa nebe diak , ne’e sai hanesan Ezemplo diak ida ba ita hotu iha futuru , tamba laiha seguransa sei laiha Pás no Estabilidade , Nune`e Husu ba Ema hotu tantu Sivil no Militar , tengki Kolabora ba Malu , hodi hametin Seguransa ba Povu no Nasaun husi ohin no baa ban bainrua , hodi nune`e Prosesu Dezenvolvimentu bele la`o iha Situasaun ne`ebe hakmatek.’’ Dehan Kolonel Benedito Dias Quintas ka kodico Punufano .
Presidente Autoridade Munisípal , Munisipiu Lautèm Domingos Xávio , aprersia tebes ba ho servisu Komandante PNTL sesante , tamba durante ne’e bele hala`o nia servisu diak , no kria nafatin liña Kóderanasaun diak kona ba Assuntu Seguransa nia iha Munisípiu Lautém.
‘’Hau apresia tebes ba Komandante PNTL sesante , tamba durante ne’e bele hala`o nia servisu diak iha Munisipio Lautèm ,tamba bele servisu hamutuk ho autoridade Munisipal nian no servisu lubuk ida ne`ebe akontese bele la`o ho diak , no liu ida ne’e Komandante sesante bele kontinua nafatin servisu ba iha fatin ne`Ebe mak haknar’an ba , tamba kolaborasaun servisu mak sai savi importante ba buat hotu-hotu.’’ Hateten Presidente Autoridade Munisipio Lautèm Dominggos Savio.
Entertantu: Povu Lautém sei laiha buat Espesial ba Komandante Sesante Superintendente Polisia Antoniu Rego Fernandes , maibe Povu sei kontinua Reza nafatin hodi Na`in bele akompaña nia servisu iha fatin ne`ebe de`it hodi sai servidór ba Esatadu no ba Povu tomak ho diak liu.
Jornalista ; Linda
Editor ; NP
