Lospalos RCL VP Tersa 16/01/2024 = Grupu Agrikultura Buras Hamutuk ne`ebe lokalija iha Aldeia Nakroman , Suku Fuioloru , Postu Lospalos , Munisípiu Lautém , kada tinan sempre Distribui Fini Batar ba Agrikultór sira iha Munisípiu Lautém , liu husi Servisu Munisípal Agrikultura , Departamento Agrikultura , Hortikultura no Estensaun .
Xéfe Grupu Agricultura Buras Hamutuk , Agustina da Costa liu husi Radio Interaktiva iha Estasaun Radio Lospalos , tersa feira ne`e Infórma , Grupu Buras nia Membru Hamutuk Na`in Rua nolu resin Lima (25) ne`ebe ho sira nia Servisu Kada tinan sempre Prepara Fini iha To`os Hektar Sanolu resin Ida (11 hkr) Sanolu ba Fini Batar no Ida ba Fore Rai.
‘’Ami nia Grupu ne`e , Estabelese iha tinan 2018 , ho membru hamutuk Na`in 25 , Kompostu husi Feto 18 no Mane 7 , Ami nia Atividade kada tinan sempre Prepara Fini liu husi Servisu To`os nian , Ami nia to`os Hektare 11 , Hektar 10 ba Batar no 1 ba Fore Rai . Kada tinan ami Fa`an ami nia Produtu Batar no Fore Rai ba Estadu liu husi Ministériu Agrikultura , atu sai hanesan Fini , no Distribui Hikas ba Agrikultór sira hodi kuda iha sira nia to`os , rejultadu husi Ami Produtu ne`e ne`e Ami fahe ba Membru Grupu ida-idak , hodi bele uja ba Nesesidade Uma laran nian , tamba ami nia Servisu mak kada tinan sempre Halo to`os hodi prepara Fini batar ba Estadu.’’ Dehan Xéfe Grupu Agricultura Buras Hamutuk , Agustina da Costa.
Agustina mós Deklara , Grupu Buras Hamutuk Benefisiu mak , bele Prepara Fini hodi Fa`an hikas ba Estadu , liu husi Minisériu Agrikultura , no bele Sustenta Nesesidade Membru Grupu nian , tamba Grupu ida ne`e La`o kuaze tinan Ne`en , no sei kontinua nafatin Servisu ida ne`e iha Grupu Bruas Hamutuk.
‘’Rejultadu Ami nia Servisu ida ne`e fó Benefisiu bo`ot ba ami nia Grupu , tamba Ami nia Membru Grupu Alende Koileta Batar no Fore rai , sira mós Koileta Osan , tamba Rejultadu Produsaun ne`e , ami Fa`an ba Ministériu Agrikultura , hodi Distribui hikas ba Agrikultór sira , ne`emaka Kada tinan Servisu Munisípal Agrikultura , Departamento Agrikultura , Hortikultura no Estensaun Munisípiu Lautém Sempre Distribui Fini ba Agrikultór sira , no ida ne`e hanesan Rejultadu husi Ami nia Servisu , Ami nia Atívidade laiha Mudansa Kontinua ho To`os Batar no Fore rai , to`o agora kuaze la`o to`o tina 6 ona konta husi 2018 to`o agora.’’ Dehan nia.
Entretanto; Servisu ne`ebe mak sira hala`o ne`e , hetan Akompañamentu Tékniku husi Servisu Munisípal Agrikultura (SMA) liu husi Deparatmento Agrikultura , Hortikultura no Estesaun nian , nune`e ami nia servisu ne`e bele kontinua la`o to`o agora.
Jornalista ; Ano
Editor ; NP
